Спявачка Ларыса Доліна расказала, што нават пазычала грошы, каб аддаць іх махлярам. Усяго з яе выцягнулі каля 4 мільёнаў даляраў
Вядомая расійская спявачка Ларыса Доліна 19 лістапада расказала ў судзе падрабязнасці таго, як стала ахвярай буйной махлярскай схемы. У суд яна прыбыла ў суправаджэнні байцоў спецназа, бо раней атрымлівала пагрозы, піша «Коммерсант».
Спявачка паведаміла, што махляры, выдаючы сябе за супрацоўнікаў ФСБ і Расфінманіторынгу, пераканалі яе, што на яе грошы і нерухомасць палююць «злачынцы». Яны ўвялі яе ў зман, прымусіўшы перавесці ўсе ашчаджэнні на «бяспечныя рахункі», пазычыць дадатковыя сумы і нават прадаць сваю кватэру. Доліна была ўпэўненая, што гэта частка «спецаперацыі» пад кантролем спецслужбаў, і не гаварыла пра гэта нават блізкім — махляры забаранілі.
Грошы ад продажу кватэры яна перадала зламыснікам — частку наяўнымі, частку праз банкаўскія пераводы. Значныя сумы яна перадавала Анжэле Цырульнікавай — адной з абвінавачаных — асабіста і праз памочніка, выкарыстоўваючы загадзя дамоўленыя «паролі».
Следства ўстанавіла, што махлярская група загадзя падрыхтавалася: знайшла людзей для афармлення картак, абналiчвання сродкаў і стварэння крыптакашалькоў, куды і ішлі грошы.
У выніку Доліна страціла 175 мільёнаў рублёў (каля 2,16 мільёна даляраў) і кватэру коштам 138 мільёнаў рублёў (каля 1,7 мільёна даляраў), якую ёй пазней вярнулі праз суд.
Пасля слуханняў спявачка не стала размаўляць з журналістамі і пакінула будынак праз службовы ўваход.
Ларыса Доліна, як і большасць іншых расійскіх эстрадных зорак, з'яўляецца актыўнай прыхільніцай расійскай улады і неаднаразова словам і справай выступала ў падтрымку развязанай Расіяй вайны ва Украіне.
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары