У Польшчы адразу двух беларускіх дальнабойшчыкаў злавілі п'янымі за рулём
Двух грамадзян Беларусі польская паліцыя затрымала за кіраванне грузавікамі ў п’яным стане. 38‑гадовы кіроўца меў у крыві амаль 2 праміле алкаголю, а 39‑гадовы — больш за адно праміле. Абодва ехалі ў напрамку польскай мяжы, паведамляе аддзел паліцыі ў Бяла-Падлясцы.
Фота: biala-podlaska.policja.gov.pl
Інцыдэнт адбыўся ўвечары 19 лістапада: супольны нарад паліцыі з Любліна і дарожнай інспекцыі з Бяла-Падляскі спыніў абодвух кіроўцаў і змясціў іх у ізалятар. Мужчынам ужо выставілі абвінавачанні ў кіраванні транспартнымі сродкамі ў стане алкагольнага ап’янення. Паліцыя таксама канфіскавала ў іх грошы ў лік магчымых штрафаў і пакаранняў.
Кіраванне ў нецвярозым стане у Польшчы можа прывесці да пазбаўлення волі тэрмінам да трох гадоў, а таксама да сур’ёзных фінансавых санкцый.
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах18
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары