«Яшчэ адзін пазітыўны крок Лукашэнкі». Джон Коўл пракаментаваў вызваленне 31 украінца
Спецыяльны пасланнік ЗША па Беларусі Джон Коўл у сацсетцы X прывітаў вызваленне 31 грамадзяніна Украіны ў Беларусі, заявіўшы, што гэта яшчэ адзін пазітыўны крок Аляксандра Лукашэнкі на шляху да дасягнення больш маштабных мэтаў.
«Пасля перамоваў з Беларуссю сёння з турмы быў вызвалены 31 украінец. Дзякуй кіраўніку ГУР МА Украіны Кірылу Буданаву за цеснае супрацоўніцтва ў рамках гэтай здзелкі. Гэта яшчэ адзін пазітыўны крок прэзідэнта Лукашэнкі на шляху да дасягнення больш маштабных мэтаў.
У якасці спецыяльнага прадстаўніка прэзідэнта ў Беларусі я вяду гэтыя перамовы з [намеснікам памочніка дзяржсакратара ЗША па Усходняй Еўропе, палітыцы і рэгіянальных пытаннях] Крысам Смітам і пры актыўнай падтрымцы Дональда Трампа», — напісаў Коўл.
9 лістапада прэзідэнт ЗША Дональд Трамп прызначыў Джона Коўла на пасаду спецыяльнага пасланніка ЗША па Беларусі. Таксама ён тады заявіў, што Коўл вядзе перамовы аб вызваленні наступнай партыі палітвязняў.
Цяпер чытаюць
Віктар Лукашэнка засвяціў на пасяджэнні НАК свой гадзіннік — цяжкі люкс32
Віктар Лукашэнка засвяціў на пасяджэнні НАК свой гадзіннік — цяжкі люкс
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары