У Ваўкавыску сёння адзначылі стогадовы юбілей сёстры-двайняты Ларыса Байбус і Тамара Каліноўская.
Імянінніц павіншавалі намеснік губернатара Гродзенскай вобласці Віктар Пранюк, кіраўніцтва Ваўкавыскага райвыканкама і іншыя запрошаныя, паведамляе «Пул. Чацверты рэгіён».
На дваіх у сясцёр 10 унукаў і 15 праўнукаў. Яны — адзіныя ў Беларусі стогадовыя доўгажыхары-двайняткі.
Сапраўдны дзень нараджэння сёстраў — 22 верасня, але з-за даўняй памылкі ў дакументах яны сталі маладзейшыя на 2 месяцы і святкуюць з’яўленне на свет 25 лістапада.
Ларыса Антонаўна Байбус усё жыццё прапрацавала стаматолагам, а Тамара Антонаўна Каліноўская — бухгалтарам на хлебазаводзе. Як расказвала раней яе ўнучка Аляксандра, бабуля дагэтуль усе важныя вылічэнні робіць на драўляных лічыльніках.
На пытанне «У чым сакрэт даўгалецця?» унучка ўпэўнена адказвае: у здаровай ежы, працавітасці, дабрыні і любові. Яе бабуля Тамара да гэтага часу ў сезон працуе ў агародзе.
«Што тычыцца харчавання, то галоўны сакрэт — усяго павінна быць у меру. Цалкам адмаўляць сабе ў задавальненнях нельга. Напрыклад, бабулін любімы напой — «Кока-кола». А галоўнае фірмовая страва — пячоначны паштэт. Яна заўсёды яго робіць сама, пакуль нікому не давярае сакрэтны рэцэпт», — расказала ўнучка.
Дасягненне ўнесена ў Нацыянальны рэестр рэкордаў Беларусі.
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск77
Каментары