«Гэта быў не план. Гэта была канцэпцыя», — сказаў прэзідэнт ЗША.
Дональд Трамп заявіў, што мірны план па Украіне скараціўся з 28 да 22 пунктаў. Пра гэта ён паведаміў, размаўляючы з журналістамі на борце прэзідэнцкага самалёта Air Force One.
Журналісты папрасілі Трампа пракаментаваць заявы некаторых рэспубліканцаў пра тое, што першапачатковы план з 28 пунктаў быў занадта «спрыяльным» для Расіі.
«Гэта быў не план. Гэта была канцэпцыя. І адтуль яны ўзялі кожны з 28 пунктаў, а затым звялі да 22 пунктаў. Паводле многіх з іх было знойдзенае рашэнне, і насамрэч вельмі спрыяльнае. Паглядзім, што з гэтага выйдзе», — сказаў Трамп.
Ён таксама заявіў пра неабходнасць тэрытарыяльных саступак з боку Украіны, спасылаючыся на прасоўванне Расіі на фронце.
«Глядзіце, як усё ідзе: калі паглядзець, усё рухаецца ў адным напрамку на фронце. Так што ў выніку гэта зямля ў найбліжэйшыя некалькі месяцаў можа і так быць захоплена Расіяй. Вы хочаце ваяваць і страціць яшчэ 50—60 тысяч чалавек? Ці хочаце зрабіць нешта цяпер?» — сказаў прэзідэнт ЗША.
Раней паведамлялася, што пасланнік прэзідэнта ЗША Стыў Уіткаф прыедзе на наступным тыдні ў Маскву, каб сустрэцца з Пуціным.
Памілаваныя 15 чалавек, сярод якіх 13 палітвязняў15
Каментары
"21. Тэрыторыі: Украіна абавязваецца не вяртаць сваю акупаваную суверэнную тэрыторыю ваеннымі сродкамі. Перамовы аб абмене тэрыторыямі пачнуцца з лініі судакранання".
Улічваючы прасоўванне Расіі на фронце, Расея збіраецца акупаваць столькі тэрыторый, колькі паспее да падпісання плана.
План Еўропы спрыяе расейскім мэтам, бо не акрэслівае канкрэтныя тэрыторыі, а проста піша "акупаваную". На які момант акупаваную, якія канкрэтна тэрыторыі - нічога ў плане Еўропы няма. А гэта значыць, Еўропа прапануе Украіне аддаць Расеі ўсё, што яна нахапае да моманту падпісання (які можа адбыцца ў невядома ў якім годзе) і адмовіцца вяртаць усё захопленае ваеннымі сродкамі.
===
а можа й ня быць захоплена. А можа пераходзіць з рук у рукі. А можа Кітай (Іран, Пхэньян) зьменшыць падтрымку Расеі. А можа Амэрыка (Брытанія, Польшча) зьменшыць падтрымку Ўкраіны.
Карацей, чарговы будапэшцкі гідрант. А дурні ўкраінцы, беларусы ды казахі аддалі рэальную ядравую рэч імпэрцам з Трэйцяга Райху=Трэйцяга Рыму пад развод для наіўных ружовых поні, якія думалі зараз будзем жыць у міры, армію скароцім, бязьядзерная зона.
Такі быў тады час. Людзі - гадунцы савецкіх матэрыялістычных школаў - зараджалі ваду з тэлевізара, масава йшлі да варажбітак, гадалак, паўсюдна бачылі іншаплянэцян і зданяў з таго сьвету й верылі ва ўсё добрае проці ўсяго ліхога. Безумоўна верыць варта, але думаць, што ўвесь час так будзе...