ЕС падрыхтаваў шэраг новых санкцый супраць Беларусі, каб закрыць шчыліны, праз якія Мінск дапамагае Расіі ў вайне супраць Украіны. Пра гэта Радыё Свабода даведалася ад інфармаваных крыніц у Бруселі.
Сярод абмежаванняў, якія ёсць у новым пакеце санкцый ЕС, наступныя:
-
Уводзіцца забарона на дадатковы спіс тэхналогій і тавараў падвойнага прызначэння, а таксама тэхналогій і тавараў, якія могуць узмацніць вайсковую прамысловасць і сферу бяспекі. Адзначаецца, што некаторыя з гэтых тавараў Расія выкарыстоўвала ў вайне супраць Украіны — у прыватнасці, кампаненты для беспілотнікаў;
-
Датычна шэрагу тавараў, якія могуць узмацніць вайсковую прамысловасць і сферу бяспекі, таксама ўводзіцца забарона на транзіт праз Беларусь;
-
Уводзіцца забарона на пастаўкі ў Беларусь некаторых тыпаў праграмнага забеспячэння;
-
Абмяжоўваецца імпарт алюмінію з Беларусі;
-
Пашыраецца забарона для еўрапейскіх кампаній на аказанне будаўнічых паслуг у Беларусі;
-
Забараняюцца дарожныя грузаперавозкі праз тэрыторыю ЕС кампаніям, якімі на 25% ці больш валодаюць беларускія фізічныя ці юрыдычныя асобы;
-
Пашыраецца спіс асобаў, якія трапляюць пад санкцыі — сярод іх маюць быць усе, хто атрымлівае выгаду ад беларускага вайскова-прамысловага комплексу;
-
Уводзяцца дадатковыя меры кантролю за фінансавымі аперацыямі беларускіх кампаній у ЕС.
Адзначаецца, што мэта новага пакету санкцый — максімальна абмежаваць удзел Беларусі ў расійскай ваеннай машыне і перакрыць усе магчымыя шляхі абыходу еўрапейскіх абмежаванняў.
Каментары
Навошта Еўропа ажно да канца 2025 года (усе 4 гады паўнамасштабнай вайны) пастаўляла кампаненты для беспілотнікаў, якімі Расея б'е па Украіне?
Цяпер кампаненты для расейскага ВПК, якія яшчэ не пайшлі ў санкцыйны спіс, з Еўропы будуць вазіць кампаніі, ў якімі валодаюць беларускія фізічныя ці юрыдычныя асобы на 24% і меньш?
Ці кампаніі, якімі цалкам валодаюць грамадзяне ЕС?
А можна спіс гэтых тавараў? У папярэдніх спісах такімі таварамі былі туалетная папера, гузікі, фарбы, фламастары.