Жыхара Віцебска за незаконнае паляванне на мядзведзя аштрафавалі на гіганцкую суму
У маі каля вёскі Высокая Гара Бешанковіцкага раёна мясцовая жыхарка знайшла тушу мядзведзя. Эксперты дасталі з задняй часткі тушы кулю калібра 7,62 мм. Гэта магла быць паляўнічая стрэльба ТОЗ-122.
Напраўленая на экспертызу стрэльба, канфіскаваная ў падазраванага, 29‑гадовага жыхара Віцебска, была ідэнтыфікавана судовымі экспертамі — балістамі цэнтральнага апарата Дзяржаўнага камітэта як зброя, з якой быў зроблены стрэл, паведамляе Дзяржкамітэт судовых экспертыз.
Браканьера ўдалося прыцягнуць да крымінальнай адказнасці. За незаконнае паляванне на дзікіх жывёл з Чырвонай кнігі на падставе часткі чацвёртай артыкула 282 Крымінальнага кодэкса браканьер асуджаны на 2 гады пазбаўлення волі з адтэрміноўкай выканання на тэрмін 2 гады, са штрафам 300 базавых велічынь (12 600 рублёў), а таксама пазбаўлены права займацца дзейнасцю, звязанай з паляваннем, тэрмінам на 5 гадоў. Карабін і цеплавізійны прыцэл канфіскаваныя.
Нагадаем, што з 1 ліпеня ў Беларусі дазволена паляванне на мядзведзя ў пэўных раёнах.
Гэта палова Віцебскай вобласці (10 раёнаў) і нязначная частка Мінскай вобласці (Барысаўскі і Лагойскі раёны). Гэта не значыць, што мядзведзяў няма ў Магілёўскай, Гомельскай, Брэсцкай ці Гродзенскай абласцях, проста пакуль яшчэ ў гэтых рэгіёнах не сфармаваныя ўстойлівыя папуляцыі мядзведзя і, адпаведна, няма неабходных умоў для планавання адстрэлу.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары