«Мы пад уплывам яе прадавалі». «Бела-Кола» ўварвалася ў скандал з кватэрай Долінай
Беларускі вытворца газаваных напояў, у тым ліку «Бела-Колы», выпусціў відэаролік у TikTok, дзе абыграў скандал на рынку нерухомасці ў суседняй Расіі, набраўшы тысячы лайкаў, заўважыў «Тэлеграф».
На відэа супрацоўніца завода пазіруе на фоне надпісаў: «На завод прыйшла Ларыса Доліна і папрасіла прадаць ёй скрыню «Бела-Колы»… А потым прадаць наш акаўнт… А потым кватэру».
Піяршчыкі прадпрыемства намякаюць на скандал з ашуканцамі, у які аказалася ўцягнутая заслужаная артыстка РФ Ларыса Доліна.
Яна прадала сваю кватэру ў Маскве сям'і, а потым запатрабавала праз суд вярнуць нерухомасць, бо, паводле яе слоў, дзейнічала пад уплывам ашуканцаў. У выніку суд стаў на бок спявачкі, а сям'я пакупнікоў засталася без кватэры і грошай.
Привет, один тут, квартирки не найдется?
У РФ ужо каля 3000 чалавек аказаліся ўцягнутыя ў схему, калі куплялі кватэры ў пажылых людзей, а тыя потым патрабавалі іх назад, спасылаючыся на ўплыў ашуканцаў.
У каментарах да жартаўлівага відэароліка большасць падпісчыкаў ацанілі гумар.
«Прабачце, але вярніце мне грошы за прадукцыю. Я была пад уплывам ашуканцаў, калі купляла колу», — напісала адна з іх. На што атрымала адказ: «Мы пад уплывам яе прадавалі, вярні «Бела-Колу».
Былі і такія, хто ацаніў аўдыярад — песню Джасціна Бібера «As Long as You Love Me». У трэку гучаць словы «We can be homeless» («Мы можам быць бяздомнымі»).
Нехта ж нават запатрабаваў не прадаваць беларускі напой расійскай артыстцы: «Патрабую забараніць Долінай купляць «Бела-Колу»!!!»
-
«У кожнага свая дарожка». Відэа з юнаком, які паехаў на праполку бульбы пад Мазыром, стала мемам
-
46‑гадовы праваабаронца Сяргей Усцінаў шакаваў сацсеткі сваімі здымкамі ў жаночым абліччы
-
З бензінам бяда, а елі на бардзюры: былая фрыстайлістка Асоль Слівец з чатырма дзецьмі вяртаецца з адпачынку ў Расіі
Цяпер чытаюць
Стаў вядомы прысуд экс-памочніку Лукашэнкі Ігару Брыло4
Каментары
А вот сейчас небольшая доплата, за что я читаю, не помешала бы.