Беларусы ў Польшчы займаюць другое месца сярод іншаземцаў паводле іпатэчных крэдытаў
Замежныя грамадзяне ўсё часцей бяруць у Польшчы банкаўскія крэдыты і, як правіла, на большыя сумы, чым палякі. Паводле выдання Puls Biznesu, ад студзеня да канца кастрычніка банкі далі ім крэдытаў на 7,65 мільярда злотых (1,81 мільярда еўра) толькі ў сегменце іпатэкі, паведамляе Беларуская служба Польскага радыё.
Увесь партфель крэдытаў, выдадзеных іншаземцам, цяпер ацэньваецца амаль у 29 мільярдаў злотых (6,89 мільярда еўра) і працягвае павялічвацца. Іпатэчныя пазыкі складаюць 82 % гэтага аб’ёму, яшчэ 14 % — спажывецкія крэдыты.
«Мы бачым пастаянны рост долі замежнікаў на рынку іпатэкі. Цяпер гэта амаль 10 % паводле аб’ёму выдадзеных крэдытаў. У выпадку спажывецкіх пазык — каля 2,5 %», — адзначыў Славамір Жыбэк з Бюро крэдытнай інфармацыі.
Толькі сёлета банкі далі іншаземцам крэдыты на 11,63 мільярда злотых: 7,65 мільярда — іпатэка (+42 % г/г), 2,57 мільярда — спажывецкія крэдыты (+46 %), 1,42 мільярда — іншыя (+57 %).
Сярэдняя сума іпатэкі ў іншаземца — 513 тысяч злотых, у той час як у паляка — 449 тысяч злотых. Найбольшыя крэдыты атрымліваюць індыйцы, а сярод беларусаў сярэдні іпатэчны крэдыт складае каля 600 тысяч злотых. Гэта здзіўляе аналітыкаў, бо значную частку замежных работнікаў складаюць украінцы, якія часцей выконваюць менш аплатныя працы.
У Польшчы цяпер працуе каля 1,1 мільёна іншаземцаў — на 5,5 % больш, чым летась. У базах Бюро крэдытнай інфармацыі ўжо 321 тысяча замежных пазычальнікаў: 227 тысяч украінцаў, 31 тысяча беларусаў і 63 тысячы прадстаўнікоў іншых краін.
«Германія не дае трэвел-док — маўляў, мяне не пераследавалі, хоць былі суткі і данаты». Як жывуць без пашпартоў
У Расіі з-за «эфекту Долінай» 3000 сем'яў засталіся без жылля. Ці варта баяцца беларусам?
«Калі замерзнеце — заходзьце да нас пагрэцца». Бібліятэкарка з Магілёва расказала, як змагла знайсці сябе ў прафесіі ў Польшчы
Беларусбанк працягнуў акцыю па крэдытах на новабудоўлі
81‑гадовую маці аўтарытэта Скітова з «Бабулінай крынкі» кінулі ў СІЗА КДБ, каб ён нарэшце загаварыў8
Каментары
Высока адукаваныя , прафесійныя вышей за сярэдняга . Абмеркаваўші свае дзеяння рабілі гыты крок . Тым больш што паміж палякамі і беларусамі няма крывавай Валыні . А змешаных сямей на працягу вакоў шмат . Ў некаторых выпадках ўжо цяжка выявіць , ці беларус , ці паляк . Ды і мовы велімі падобныя . Таму ( на мой погляд ) польскія улады больш спрыяюць беларусам .