Яму было 63 гады. Апошнія ідэалагічныя ток-шоу з яго ўдзелам выйшлі напрыканцы мінулага месяца.
Міхаіл Цішкевіч займаў пасаду загадчыка кафедры паліталогіі і сацыялогіі ГДУ імя Ф. Скарыны.
Кандыдат сацыялагічных навук, дацэнт Цішкевіч асвоіў новую для сябе ролю тэлепрапагандыста на пачатку 2022 года. З таго часу з яго ўдзелам выйшлі сотні перадач на рэгіянальным тэлебачанні, дзе сацыёлаг агучваў тэзісы ідэалогіі, сфармуляваныя мінскімі прапагандыстамі. Цішкевіч ахвотна каментаваў пытанні, у якіх не меў прафесійнай кампетэнцыі. Апошняе відэа з ім, якое знайшоў «Флагшток», прысвечана палітыцы Літвы — Цішкевіч кажа, што рашэнне па закрыцці мяжы Літва прыняла пад ціскам ЕС.
Тэлерадыёкампанія «Гомель», дзе выступаў Цішкевіч на сваёй старонцы піша, што Цішкевіч быў «пастаянным спікерам дыялогавых пляцовак і тэлевізійных праектаў». «На працягу трох гадоў з'яўляўся пастаянным сувядучым праграмы «Наш час» тэлерадыёкампаніі «Гомель». Пры гэтым ён не толькі валодаў глыбокімі ведамі і грамадзянскай пазіцыяй, але і заўсёды з увагай і павагай ставіўся да людзей. Яго заўчасны і нечаканы скон — незаменная страта для калег, студэнтаў і ўсіх, хто яго ведаў», — піша тэлерадыёкампанія.
Пра прычыны гэтай заўчаснай і нечаканай смерці не паведамляецца.
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»33
Каментары