Паводле праваабарончага цэнтра «Вясна», палітвязень Андрэй Любецкі восенню 2025 года быў асуджаны паводле артыкула 411 Крымінальнага кодэкса за «злоснае непадпарадкаванне патрабаванням адміністрацыі папраўчай установы». Новы тэрмін пакарання, прызначаны Любецкаму, пакуль невядомы.
Андрэй Любецкі — сківічны хірург, які 18 гадоў адпрацаваў у дзіцячай бальніцы ў Мінску.
Яго затрымалі 4 траўня 2021 года.
У 2022 годзе Мінскі гарадскі суд прысудзіў яго да пяці гадоў калоніі агульнага рэжыму па шэрагу цяжкіх артыкулаў, уключаючы «распальванне варожасці» і «абразу Лукашэнкі». Суд абавязаў яго выплаціць 2 000 рублёў намесніку міністра ўнутраных спраў Мікалаю Карпянкову.
У ліпені 2024 года, пасля ўтрымання ў памяшканні камернага тыпу, Любецкага перавялі ў Жодзінскую турму № 8 да канца тэрміну пакарання.
Жонка і чацвёра дзяцей доктара былі вымушаны пакінуць краіну.
Любецкі ўнесены ў спісы «экстрэмістаў» і «тэрарыстаў».
Каментары