У Вільні праходзіць пратэст перавозчыкаў у сувязі з блакаваннем фур беларускімі ўладамі
У сераду 10 снежня ў Вільні праходзіць акцыя пратэсту, арганізаваная нацыянальнай асацыяцыяй перавозчыкаў Linava. Акцыя праводзіцца з прычыны блакавання літоўскіх грузавікоў, якія дагэтуль застаюцца ў Беларусі.
Фота: Julius Kalinskas / Delfi
Сталічны муніцыпалітэт выдаў дазвол на ўдзел да 100 цягачоў. Акцыя будзе праходзіць на праспекце Гедыміна з 12:00 да 19:00, піша Delfi.
«Цягачы будуць збірацца з 9:30 да 11:00, сама акцыя пратэсту пачнецца а 12:00. Паставім сцэну, будзе каша і чай для людзей», — сказаў прэзідэнт Linavа Эрландас Мікенас.
Паводле Linava, у Беларусі знаходзіцца каля 4000 зарэгістраваных у Літве транспартных сродкаў. Літоўская мытня дае зусім іншыя лічбы: 185 транспартных сродкаў з літоўскімі нумарамі на мяжы.
Каментары