Адна з ключавых разведвальных службаў Даніі, Служба абароннай выведкі (DDIS), у сваёй штогадовай ацэнцы пагроз на 2025 год упершыню апісала Злучаныя Штаты як патэнцыйную рызыку для бяспекі. Гэта гаворыць пра зрухі ў поглядзе Даніі на свайго блізкага саюзніка на фоне геапалітычных супярэчнасцяў вакол Грэнландыі.
У дакладзе DDIS адзначаецца, што ЗША ўсё часцей аддаюць перавагу ўласным інтарэсам і «выкарыстоўваюць сваю эканамічную і тэхналагічную моц як інструмент улады, у тым ліку ў дачыненні да саюзнікаў і партнёраў».
DDIS таксама падкрэсліла рост цікавасці ЗША да Грэнландыі — тэрыторыі, якая належыць Даніі — у выніку абвастрэння цікавасці вялікіх дзяржаў у Арктыцы. Гэта адбываецца пасля неаднаразовых прапаноў Дональда Трампа аб намеры ўзяць кантроль над тэрыторыяй, што выклікала дыпламатычную напружанасць.
«Злучаныя Штаты выкарыстоўваюць эканамічную моц, уключаючы пагрозы высокімі тарыфамі, каб навязваць сваю волю, і больш не выключаюць выкарыстання вайсковай сілы, нават супраць саюзнікаў», — гаворыцца ў справаздачы.
Расія і Кітай па-ранейшаму разглядаюцца DDIS як асноўныя рызыкі.
Разведка папярэджвае, што нявызначанасць наконт ролі ЗША як гаранта бяспекі Еўропы павысіць гатоўнасць Расіі ўзмацніць гібрыдныя атакі супраць NATO.
«Рэгіён Балтыйскага мора — гэта зона, дзе існуе найбольшая рызыка таго, што Расія выкарыстае вайсковую сілу супраць NATO», — адзначае DDIS.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў42
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1515
Каментары
На газеты, подпишись, слово против не возможно, очередь в посольства до горизонта ... , но нет минусы, минусы и минусы за то, что написана ПРАВДА.