На мытні затрымалі найбуйнейшую ў гісторыі незалежнай Беларусі партыю наркотыкаў
Беларускія мытнікі спынілі найбуйнейшую ў гісторыі незалежнай Беларусі міжнародную пастаўку наркотыкаў і псіхатропаў з тэрыторыі Еўрасаюза — вагой каля 1,3 тоны, паведаміў Дзяржаўны мытны камітэт.
Злачынцы планавалі перавезці ў грузавіку польскага перавозчыка ў Беларусь і Расію восем тысяч брыкетаў з 915 кг гашышу і 50 скрынак з 367 кг мефедрона, пад выглядам легальнай партыі мінеральнай вады. Некалькі дзясяткаў бутэлек вады сапраўды выкарыстоўваліся як маскіроўка.
Схему перамяшчэння выкрылі супрацоўнікі Аператыўнай мытні, якія пасля сканавання грузавіка прынялі рашэнне правесці яго паглыблены агляд. Таксама, паколькі груз прызначаўся для пастаўкі ў Расійскую Федэрацыю, беларускія мытныя органы разам з расійскімі калегамі правялі далейшыя аператыўна-вышуковыя мерапрыемствы.
У выніку былі выяўленыя і затрыманыя ўдзельнікі міжнароднай злачыннай групы — грамадзяне ЕС, Беларусі, Расіі і Малдовы. Падчас ператрусу ў іх канфіскавалі яшчэ 5 кг гашышу і мефедрону.
Па гэтым факце Аператыўная мытня Беларусі і Федэральная мытная служба Расіі завялі крымінальныя справы за кантрабанду наркотыкаў у асабліва буйным памеры. Санкцыі артыкулаў прадугледжваюць да 20 гадоў пазбаўлення волі.
Кошт канфіскаванай партыі наркотыкаў на чорным рынку складае каля 62 мільёнаў даляраў ЗША, што дастаткова для 2 мільёнаў 933 тысяч разавых доз.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары