Толькі што на волю выйшлі новыя палітзняволеныя. Гэта радасная навіна, але і дужа трывожная. Бо людзей, пасля многіх гадоў турмы, выціскаюць за межы краіны, дзе яны ў найбліжэйшы час сутыкнуцца з выпрабаваннем эміграцыяй. У сувязі з гэтым Фонд салідарнасці «Байсол» аб'яўляе экстранны збор на іх патрэбы.
Фонд збірае сродкі на выплату тэрміновай дапамогі вызваленым палітвязням. Мэта — сабраць 123 тысячы еўра, з разліку, што кожная і кожны атрымае па 1 тысячы еўра.
«Мы заклікаем неабыякавых далучацца да акцыі падтрымкі палітвязняў на сайце BYSOL. Кожны ўнёсак вельмі істотны, без уліку яго велічыні — любое ахвяраванне будзе часткай агульнай дапамогі. Бо людзям, якіх вызвалілі 13 снежня, неадкладна патрэбныя сродкі для самага неабходнага на першы час. Яны атрымаюць грошы, каб даць рады з імі самастойна, згодна з уласнымі патрэбамі і прыярытэтамі: у кожнага сваё разуменне тэрміновасці і важнасці», — падкрэслівае Віталюс Моцкус, дырэктар Фонда BYSOL.
Падтрымаць збор можна па гэтай спасылцы.
Усе сабраныя сродкі будуць выдадзеныя вызваленым палітвязням, з улікам камісіі банкаў. Паводле досведу BYSOL, мінімальная неабходная сума ў такой сітуацыі складае 2 тысячы еўра. Палову гэтай сумы вызваленыя атрымаюць па праграме аднаразовай дапамогі ад BYSOL, яшчэ палову — з гэтага экстраннага збора.
Калі атрымаецца сабраць больш сродкаў, чым плануецца, уся сума будзе падзеленая паміж атрымальнікамі.
Для атрымання сродкаў палітвязням трэба адпавядаць двум крытэрам: мець досвед пераследу па палітычных матывах і даць згоду (або звярнуцца) на атрыманне такой дапамогі. Звяртацца па дапамогу можна да канца сакавіка 2026 года. У выпадку, калі застануцца сродкі, па якія з нейкіх прычын не звярнуліся, Фонд скіруе іх на дадатковыя выплаты тым, хто звярнуўся і выказаў згоду раней.
BYSOL ужо ладзіў падобны збор, калі 11 верасня 2025 года рэжым выдварыў у Літву 52 асобы. Тады атрымалася сабраць 111 тысяч еўра (мэта была — 50 тысяч). У адказ вызваленыя запісалі відэа з падзякамі для тых, хто ім дапамог.
На волі Марыя Калеснікава і Алесь Бяляцкі. Агулам вызвалена 123 палітвязні
Выйшлі на свабоду некалькі іншаземцаў і беларусаў з замежнымі пашпартамі
Зяленскі: Беларусь аддала Украіне яшчэ пяць асуджаных украінцаў
Марыя Калеснікава на свабодзе
Зяленскі: Беларусь аддала Украіне яшчэ пяць асуджаных украінцаў
Трагедыя з 30‑гадовай доктаркай са Старобіна — пайшла выдаляць зуб мудрасці і памерла24
Каментары