Былы кіраўнік Белгазпрамбанка і прэтэндэнт у прэзідэнты на выбарах-2020 быў затрыманы 6 ліпеня 2020 года. Яму прысудзілі 14 гадоў калоніі.
Віктар Бабарыка ёсць у спісе памілаваных, якіх вызваляюць 13 снежня.
Блогер і былы палітвязень Ігар Лосік расказваў, што да таго, як перапіску абмежавалі, Бабарыка атрымліваў да 300 лістоў на дзень.
Былы банкір адбываў пакаранне ў калоніі № 1 у Наваполацку. Яго асудзілі ў ліпені 2021 года. Бабарыку прызналі вінаватым у атрыманні хабару ў асабліва буйным памеры (ч. 3 арт. 430 КК) і ў легалізацыі сродкаў, атрыманых злачынным шляхам (ч. 2 арт. 235 КК). Яму далі 14 гадоў ва ўмовах узмоцненага рэжыму.
Акрамя гэтага, палітвязня пакаралі штрафам у памеры 145 тысяч рублёй (пяць тысяч базавых велічыняў), а таксама ён павінен будзе выплаціць больш за 46 мільёнаў рублёў, каб пагасіць нібыта прычыненую ім шкоду. Таксама Віктара пазбавілі права займаць кіраўнічыя пасады на некаторы час. Віктар Бабарыка віну не прызнаў.
У красавіку 2023 года стала вядома, што Бабарыку шпіталізавалі ў наваполацкую бальніцу са слядамі збіцця і пнеўматораксам. У ліпені таго ж года адміністрацыя калоніі паведаміла сваякам Бабарыкі, што ён знаходзіцца ў памяшканні камернага тыпу, яго здароўю «нічога не пагражае».
З лютага 2023 года Віктар Бабарыка ўтрымліваўся ў рэжыме інкамунікада (інфармацыйнай блакады), які праваабарончая супольнасць лічыць цяжкім парушэннем правоў чалавека.
У студзені 2025 года Бабарыку наведаў блогер Раман Пратасевіч. Ён апублікаваў фота Бабарыкі і яго відэазварот Бабарыкі да родных. У зняволенні Бабарыка моцна cхуднеў.
Цяпер чытаюць
З псіхбальніцы збег былы начальнік Ганцавіцкай міліцыі13
Каментары