Таленавітага праграміста адправілі за краты. Ён уваходзіў у топ-0,2% спецыялістаў у сваім кірунку
Раман Басалай — высакакласны спецыяліст па ўбудаваных сістэмах (Embedded) з сур'ёзным навуковым бэкграўндам. Нядаўна яго асудзілі за «спрыянне экстрэмісцкай дзейнасці».
Раману Басалаю 43 гады. Ён выпускнік Полацкага дзяржаўнага ўніверсітэта: у 2004 годзе скончыў электратэхнічны факультэт з чырвоным дыпломам, пасля чаго вучыўся ў аспірантуры.
Раман — чалавек навукі. За ягонымі плячыма перамогі ў алімпіядах у фізіцы і матэматыцы, навуковыя публікацыі і чатыры заяўкі на патэнты. У яго рознабаковыя інтарэсы: ад ігры на барабанах да радыёэлектронікі. Мае жонку і непаўналетнюю дачку.
Доўгі час мужчына працаваў інжынерам-праекціроўшчыкам сетак, а са снежня 2023 года ўладкаваўся распрацоўшчыкам у кампанію Passat Innovations. Там ён займаўся стварэннем драйвераў для чыпаў, распрацоўкай інтэлектуальных крыніц бесперабойнага сілкавання і сістэм галасавой сувязі.
Узровень Басалая паказвае ягоны рэйтынг на платформе CodeWars: беларус уваходзіў у топ-0,168% карыстальнікаў па вырашэнні задач на C/C++ і займаў 1183 месца з мільёнаў карыстальнікаў платформы.
Рамана затрымалі ў красавіку 2025 года. Мінскі абласны суд прызнаў яго вінаватым паводле частак 1 і 2 артыкула 361‑4 Крымінальнага кодэкса («садзейнічанне экстрэмісцкай дзейнасці»).
З таго часу ён не з'явіўся анлайн — выглядае, што пакаранне Раману звязанае з пазбаўленнем волі.
«Наша Нiва» — бастыён беларушчыны
ПАДТРЫМАЦЬ
Каб не плаціць падатак на сабак, мінчукі пачалі здаваць іх у пункты адлову25
Каментары
Они, если придётся, выгонят половину населения Беларуси из Беларуси, вторую половину посадят, садить начнут с активных, умных, молодых, талантливых, что и делают с 2020 года.