Інжынера, які запускаў трэцюю лінію мінскага метро, асудзілі за Гаюна
Юрый Карніцкі — высакакласны спецыяліст па аўдыявізуальных сістэмах, які працаваў у буйным інтэгратары Netland. Ён наладжваў складанае абсталяванне для новых станцый мінскага метрапалітэна, але прафесійныя заслугі не выратавалі яго ад пераследу. Нядаўна яго асудзілі.
Юрыю Карніцкаму 44 гады. Ён вучыўся ў Францыі, у 2007‑м годзе скончыў Універсітэт Люм'ер Ліён 2. Сваю кар'еру будаваў у сферы высокіх тэхналогій: спачатку амаль сем гадоў адпрацаваў інжынерам у групе кампаній STC, пасля перайшоў у Mobile Service Ltd, дзе займаўся аўдыявізуальнымі рашэннямі.
З красавіка 2021 года Юрый працаваў інжынерам у кампаніі Netland. Менавіта тут ён удзельнічаў у маштабным дзяржаўным праекце — запуску трэцяй лініі мінскага метро. Юрый займаўся пусканаладачнымі работамі складаных лічбавых сістэм: ад вагоннага тэленазірання і гучнай сувязі на станцыях да сістэм адзінага часу.
Адно з вялікіх захапленняў Юрыя — аўтамабілі, асабліва маркі канцэрна PSA (Peugeot і Citroen). У вольны час Юрый шмат пісаў у тэматычных чатах, дзе дапамагаў іншым: дзяліўся вопытам абслугоўвання, дапамагаў падбіраць аліву і запчасткі, разбіраўся ў нюансах працы рухавікоў і сажавых фільтраў.
Яшчэ адно ягонае хобі — страйкбол. Таксама мужчына падарожнічае, займаецца спортам, любіць бываць на прыродзе. У яго ёсць непаўналетняя дачка.
Юрый знікаў з сацсетак каля 10 месяцаў таму — падобна, што яго арыштавалі і трымалі ў СІЗА. Мужчыну асудзілі ў Мінскім гарадскім судзе па ч. 1 і 2 артыкула 361‑4 Крымінальнага кодэкса — «садзейнічанне экстрэмісцкай дзейнасці». Карніцкаму прысудзілі хатнюю хімію.
«Наша Нiва» — бастыён беларушчыны
ПАДТРЫМАЦЬЦяпер чытаюць
Святлана Ціханоўская завяла трэдс. Што ёй пішуць беларусы?7
Каментары
Дзякуй за падтрымку.
Сіл вам прайсці выпрабаванне.