Гродзенскага праграміста з 23‑гадовым стажам адправілі за краты за палітыку
Пад каток рэпрэсій трапіў 49‑гадовы Руслан Баранчык. Большую частку дарослага жыцця ён прысвяціў працы ў IT-сферы і адукацыі.
Руслан Баранчык скончыў матэматычны факультэт Гродзенскага дзяржаўнага ўніверсітэта імя Янкі Купалы. Ён пачынаў працаваць у сваёй альма-матэр, у выдавецкім цэнтры ГрДУ. Там Руслан займаўся вёрсткай навуковых кніг, пісаў скрыпты для аўтаматызацыі працэсаў і адміністраваў сайт.
Пазней мужчына перайшоў у камерцыйнае IT: працаваў тэставальнікам у EPAM Systems, праграмістам у «Інтэкссофт» і нават забяспечваў працу праграмнага забеспячэння на гродзенскім аўтавакзале.
Апошнія гады ён працаваў дыстанцыйна, займаючыся SEO-прасоўваннем і копірайтынгам. Таксама шукаў працу на вахту ў Расію.
Руслан — чалавек з мноствам захапленняў. Напрыклад, ён любіць астраномію. Таксама ён дасведчаны карыстальнік праграм для аўдыякніг, у чатах дапамагаў іншым наладжваць доступ да бібліятэк і дзяліўся тэхнічнымі парадамі.
Прысуд Руслану вынеслі ў Гродзенскім абласным судзе. Яго абвінавацілі паводле трох артыкулаў Крымінальнага кодэкса: ч. 1 арт. 130 (распальванне варожасці), ч. 1 арт. 368 (абраза Лукашэнкі) і ч. 1 арт. 361‑4 (садзейнічанне экстрэмісцкай дзейнасці).
Дакладны тэрмін зняволення невядомы, але ён звязаны з пазбаўленнем волі. Дома Руслана чакаюць жонка і двое непаўналетніх дзяцей.
«Наша Нiва» — бастыён беларушчыны
ПАДТРЫМАЦЬ«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай92
Каментары