Уладзь Лабковіч: Мы ўжо не героі, героі зараз знаходзяцца ў турмах
Вызваленыя палітвязні прыехалі ў Вільню. Праваабаронца Уладзь Лабковіч коратка пагаварыў з журналістамі.
Найперш ён падзякаваў тым, хто ўдзельнічаў у вызваленні палітвязняў, асабліва ўкраінскі бок.
«Мы ўсе ў такім вельмі-вельмі ўзрушаным стане. Хачу сказаць вялікі дзякуй усім. Дзякуй за тое, што гэтая аперацыя была праведзена. Паверце, яна была на вельмі высокім прафесійным і арганізацыйным узроўні.
Асабліва я хачу перадаць у першую чаргу вялікі дзякуй украінскаму ГУР, які ўзяўся за гэтую аперацыю і праводзіў яе ў надзвычай цяжкіх умовах».
Ён кажа, што літаральна кожныя дзве гадзіны, знаходзячыся ва Украіне, яны спускаліся ў бомбасховішчы.
«Таму што Украіна сапраўды ваюе, ваюе кожную хвіліну. І тое, што яны здзейснілі такую гуманітарную місію — гэта надзвычай важна», — сказаў ён.
На пытанне пра самаадчуванне, ён сказаў, што адчувае сябе добра пакуль.
І сказаў, што не будзе адказваць на пытанні пра тое, што адбывалася ў Беларусі —«хіба што агульнымі рысамі».
«Таму што я лічу, што ў нас вельмі важны маральны абавязак. Мы ўжо не героі. Героі зараз знаходзяцца за кратамі, героі зараз знаходзяцца ў турмах. Героі сёння ідуць у ШІЗА, таму што сёння працоўны дзень, і ў абед будуць працаваць камісіі папраўчых устаноў, пасля якіх людзі будуць ісці ў ШІЗА.
Таму нам вельмі-вельмі важна, каб яны як мага хутчэй вярнуліся дадому. І таму я таксама буду ставіцца з адказнасцю да кожнага свайго слова», — патлумачыў ён.
Цяпер чытаюць
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»6
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці66
Учора — у лукашэнкаўскай турме, сёння — у Кіеве дапамагае ўкраінцам выжыць. Былы палітвязень і сваяк Ціханоўскай стаў валанцёрам у Пункце нязломнасці6
Хочаце жыць доўга — шукайце раён з нармальнымі дрэвамі. Навукоўцы высветлілі, што дрэвы ратуюць ад інфарктаў, а газоны могуць нават нашкодзіць здароўю44
Каментары