Пра гэта заявіў на УНС падчас даклада прэм'ер-міністр Аляксандр Турчын.
Сярэдні заробак па выніках пяцігодкі складзе 2700 рублёў, а ВУП па выніках года чакаецца на ўзроўні 92 млрд даляраў, паведаміў прэм’ер-міністр Беларусі Аляксандр Турчын на УНС.
У лістападзе сярэдні заробак «бруднымі» склаў 2758 рублёў. «Чыстымі» гэта будзе 2372,4 рубля.
Калі ж браць сярэдні курс даляра за кастрычнік, то гэта будзе 927,7 даляра «бруднымі», або 795 даляраў «чыстымі».
Беларусь плануе павялічыць ВУП за пяцігодку на 15,8%, заявіў прэм'ер.
«На фоне геапалітычнай нестабільнасці і запаволення тэмпаў сусветнай эканомікі чаканы рост нашай эканомікі складзе не менш за 3% у год. За ўсю пяцігодку рост — 15,8%. Варта адзначыць, што гэтая задача з’яўляецца даволі напружанай. Для параўнання: рост ВУП за бягучую пяцігодку ацэньваецца на ўзроўні 7%», — сказаў Аляксандр Турчын.
Каментары
Потерянные 35 лет жизни!