Крэмль збіраў дасье на асяроддзе Трампа, вышукваючы зручнага для сябе перамоўшчыка аб Украіне — выбар спыніўся на Стывену Уіткафу, піша WSJ.
Крэмль збіраў дасье на асяроддзе Трампа, вышукваючы зручнага для сябе перамоўшчыка, і ў выніку выбар упаў на мільярдэра Стывена Уіткафа, піша The Wall Street Journal. Паводле звестак выдання, расійская разведка вывучала псіхалагічныя профілі амерыканскіх чыноўнікаў адразу пасля перамогі Трампа на выбарах.
Масква была катэгарычна супраць генерала Кіта Келага, якога Трамп першапачаткова прызначыў спецпрадстаўніком ва Украіне і Расіі. Расійская разведка пазначыла яго як патэнцыйна варожую постаць, бо ягоная дачка кіравала дабрачыннай арганізацыяй ва Украіне.
У выніку Крэмль зрабіў стаўку на Уіткафа — чалавека са свету бізнэсу, які не заўсёды прытрымліваецца дыпламатычных рэгламентаў і гатовы да закрытых сустрэч без кантролю спецслужбаў.
Пуцін дамогся сустрэчы з Уіткафам тэт-а-тэт яшчэ да яго афіцыйнага далучэння да перамоў аб Украіне. Гэта адбылося 11 лютага 2025 года. Крэмль намагаў, каб амерыканца не суправаджалі супрацоўнікі ЦРУ ці дыпламаты.
Вынікам гэтай размовы стала вызваленне амерыканца Марка Фогеля, што стала своеасаблівым «жэстам добрай волі» і сігналам для Трампа: Пуцін аддае перавагу менавіта Уіткафу.
Пасля гэтага Трамп далучыў сябра-мільярдэра да ўкраінскага кейса, а Келаг страціў цэнтральную ролю.
За апошні год Уіткаф прыязджаў да Пуціна ўжо шэсць разоў. Ніводзін амерыканскі чыноўнік за апошнія 75 гадоў не меў такога частага асабістага доступу да расійскага лідара — падобны ўзровень кантактаў быў толькі ў часы саюза са Сталіным.
Характэрна, што за гэты час Уіткаф ні разу не наведаў Украіну.
На думку WSJ, гэта поспех манеўраў Пуціна, які здолеў адсунуць прафесійных дыпламатаў і заручыцца падтрымкай амерыканскіх мільярдэраў, што супадае са скептычным стаўленнем самога Трампа да традыцыйных інстытутаў.
Былы міністр культуры Руслан Чарнецкі знайшоў сабе падпрацоўку9
Каментары
Наверно никогда больше.
--выбар спыніўся на Стывену Уіткафу --- АБРАН жа, а не "выбар" !! - Папраўце, бо ў беларускай мове НЯМА слова ВЫБРАЎ!!!