Як беларусы будуць працаваць і адпачываць у 2026 годзе. З'явіўся графік
Доўгія выходныя будуць у студзені, красавіку, маі і снежні.
Першыя доўгія выходныя ўжо зусім хутка — з 1 да 4 студзеня. Наступны раз беларусы будуць адпачываць чатыры дні ў красавіку — з 18 да 21-га.
Пераносы рабочых дзён у 2026 годзе
Рабочы дзень 20 красавіка (панядзелак) пераносіцца на суботу 25 красавіка. Днямі адпачынку будуць 18 (субота), 19 (нядзеля), 20 (панядзелак) і 21 (аўторак) красавіка 2026 года — 4 дні.
Пры гэтым арганізацыям з улікам спецыфікі вытворчасці (работы) даецца права ажыццявіць перанос рабочага дня (20 красавіка) на іншы выхадны дзень, які прыпадае на суботу, дадае Мінпрацы.
Непрацоўнымі днямі ў 2026 годзе традыцыйна з’яўляюцца:
1 і 2 студзеня — Новы год;
7 студзеня — Божае Нараджэнне (праваслаўныя Каляды);
8 сакавіка — Дзень жанчын;
21 красавіка — Радуніца па календары праваслаўнай канфесіі;
1 мая — Свята працы;
9 мая — Дзень Перамогі;
3 ліпеня — Дзень Незалежнасці Рэспублікі Беларусь (Дзень Рэспублікі);
7 лістапада — Дзень Кастрычніцкай рэвалюцыі;
25 снежня — Нараджэнне Хрыста.
Каментары