Кніжныя крамы Oz.by падвялі вынікі года.
У 2025 годзе ў пакупнікоў значна вырасла цікавасць да кніг айчынных аўтараў. Сукупныя продажы такіх выданняў павялічыліся на 200%, што робіць беларускую літаратуру адным з кірункаў, якія растуць найхутчэй, піша Tochka.by.
Найбольшы ўсплёск назіраецца ў катэгорыі мастацкай літаратуры сучасных беларускіх аўтараў: продажы зборнікаў апавяданняў і раманаў выраслі больш як на траціну.
Цягам года на 30% павялічылася цікавасць да тавараў на беларускай мове.
Гэты трэнд ідзе поплеч з папулярнасцю класічнай літаратуры: напрыклад, «Шляхціц Завальня» па-ранейшаму ў топе продажаў, а яго гадавыя паказчыкі працягваюць расці.
Калі казаць пра жанры, то містыка і жахі па выніках года дадалі 130%. У той жа час псіхалогія і гістарычныя раманы паказалі зніжэнне продажаў на 15%.
Самыя папулярныя кнігі года: «Калі ўсе коткі ў свеце знікнуць», «(Ня)чысты Мінск», «Бог заўсёды падарожнічае інкогніта».
Заўважны рост дэманструе і вучэбная літаратура. У топе апошніх пяці гадоў застаюцца дапаможнікі па правілах дарожнага руху.
Каментары