У прыватнай рэзідэнцыі прэзідэнта ЗША ў Мар-а-Лага ў штаце Фларыда пачалася сустрэча прэзідэнтаў Украіны і ЗША Уладзіміра Зяленскага і Дональда Трампа.
Лідары сустрэліся на ганку, іх сустрэча транслявалася ў жывым эфіры. Сустрэча, якая павінна была пачацца а 9‑й вечара па беларускім часе (а 1‑й дня па мясцовым), пачалася са спазненнем амаль на паўгадзіны.
Гэтая сустрэча, як паведамляецца, будзе цалкам прысвечаная пытанню ўкраінска-расійскага замірэння і будзе грунтавацца на папярэдняй працы перамоўных каманд, якія перад тым напрацавалі план з 20 пунктаў.
«План з 20‑ці пунктаў — вельмі важны, мы павінны яго абмеркаваць. Нашы каманды працавалі над стратэгіяй, як крок за крокам наблізіць мір. І мы абмяркуем стратэгію», — сказаў Зяленскі ў пачатку сустрэчы з Трампам.
«У мяне няма дэдлайнаў. Мой адзіны дэдлайн — скончыць вайну. І мы сталі на шлях завяршэння», — заявіў у сваю чаргу Дональд Трамп.
Ён упэўнены:
«Мы знаходзімся на завяршальнай стадыі перамоў. Яны альбо скончацца, альбо працягнуцца яшчэ доўга. Мільёны людзей загінуць, а гэтага ніхто не хоча».
З ягоных слоў, ніхто нават не ведае, што будзе прапісана ў пагадненні аб бяспецы, але само пагадненне будзе, і прытым моцнае.
Што да цяперашняй сустрэчы, то Трамп верыць, што яна пройдзе выдатна, а пасля яе ён мае намер патэлефанаваць Пуціну і «думаю, што ўжо не будзе так складана, як было раней». Пры гэтым Пуціну ён тэлефанаваў і незадоўга да сустрэчы.
Пасля кароткіх пратакольных выступленняў сустрэча перайшла ў закрыты фармат.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары