Раней паведамлялася, што пад Смалявічамі адбылося сур’ёзнае дарожна-транспартнае здарэнне, у выніку якога загінуў чалавек. Следчы камітэт паведаміў падрабязнасці.
Паводле папярэдніх звестак, кіроўца аўтамабіля Jaguar не разлічыў бяспечную хуткасць, з-за чаго машыну занесла і яна сутыкнулася з аўтамабілем Volkswagen. Пасля аварыі кіроўца і пасажыр Volkswagen выйшлі на дарогу, каб праверыць, ці няма пацярпелых, але ў гэты момант іх збіла фура, кіроўца якой не паспеў своечасова спыніць грузавік.
У выніку атрыманых траўмаў загінула 17‑гадовая пасажырка Volkswagen.
На месцы здарэння цяпер працуе следча-аператыўная група, якая высвятляе ўсе абставіны аварыі. Вядома, што ўдзельнікамі масавага ДТЗ сталі дзве фуры, маршрутны аўтобус і шэсць легкавых аўтамабіляў, з-за чаго рух на гэтым участку дарогі значна ўскладнены. Следчыя просяць кіроўцаў улічваць гэту інфармацыю пры планаванні маршруту.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі9
Каментары