Вось чаму на звароце Ціханоўскай не было Бяляцкага і Ціханоўскага
Разам са Святланай Ціханоўскай беларусаў сёлета віншавалі з Новым годам Марыя Калеснікава, Павел Севярынец і Павел Латушка. Але насамрэч гэта кола павінна было быць шырэйшае, ды ўмяшаліся абставіны.
Як стала вядома «Нашай Ніве», у віншаванні павінны былі таксама ўдзельнічаць яшчэ два вызваленыя ў 2025 годзе палітвязні — муж Святланы Сяргей Ціханоўскі і нобелеўскі лаўрэат Алесь Бяляцкі. Але ім не дазволілі гэта зрабіць абставіны: Сяргей Ціханоўскі ў дзень запісу відэазвароту акурат быў у авіяпералёце, а Алесь Бяляцкі злёг з цяжкім грыпам.
Сам запіс планаваўся на сярэдзіну снежня, але давялося перанесці яго на канец месяца, калі стала вядома пра нечаканае вызваленне палітвязняў. Арганізатары пастараліся сабраць іх разам, а ўдалося гэта толькі 27 снежня. У выніку на мантаж звароту заставаліся лічаныя гадзіны. На шчасце, Ціханоўская заўсёды запісваецца з першага дубля.
І яшчэ з рэалій нашага жыцця: Павел Севярынец пакуль не набыў гарнітура, таму запісваўся ў пінжаку Франака Вячоркі.
Цяпер чытаюць
Мінчук забіў маці і цесця, а пасля 15 гадоў атрымліваў за іх пенсію1
Каментары
[Зрэдагавана]
[Зрэдагавана]