У горадзе — шматлікія выбухі, а ў небе шматлікія вайсковыя самалёты і верталёты.
Ноччу 3 студзеня ЗША нанеслі ўдар па сталіцы Венесуэлы Каракасе. Папярэдне — былі атакаваныя порт і вайсковая база.
На адным з відэа відаць у небе цяжкія амерыканскія верталёты Chinook. Імаверна, з іх адбылася высадка дэсантнікаў.
Паўднёвы раён 3‑мільённага горада застаўся без электрычнасці.
У амерыканскіх вайсковых структурах пакуль адмаўляюцца каментаваць тое, што адбываецца. У адміністрацыі Трампа заявілі, што ім вядома пра выбухі і амерыканскія самалёты ў Венесуэле, але іншых каментароў там не далі.
Першай афіцыйнай рэакцыяй на падзеі ў Каракасе стаў допіс прэзідэнта Калумбіі Густава Петра. Ён асудзіў напад на Венесуэлу і заклікаў неадкладнай рэакцыі міжнародных арганізацый.
Аперацыя ЗША адбываецца на фоне працяглага ціску адміністрацыі Трампа на рэжым Мадуры. Амерыканскі прэзідэнт абвінавачваў кіраўніка Венесуэлы ў наркатэрарызме, патрабаваў ад яго адстаўкі і пагражаў наземнымі ўдарамі. Выглядае, цяпер Трамп перайшоў да справы.
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі13
Каментары
P.S. Заўсёды з пагардай ставіўся да слэнгавага слова ПІНДОС, а цяпер ужываю паўсюдна.