Паводле Канстытуцыі Венесуэлы, улада павінна перайсці да віцэ-прэзідэнта Нікаласа Мадуры — Дэлсі Радрыгес. Аднак венесуэльская апазіцыя можа паспрабаваць скарыстацца гэтым момантам.
CNN апісвае тры магчымыя сцэнары.
Першы — фармальна канстытуцыйны. У выпадку таго, што называецца «абсалютнай адсутнасцю» прэзідэнта, віцэ-прэзідэнтка — Дэлсі Радрыгес — бярэ на сябе кіраванне і прызначае выбары на працягу 30 дзён. Новаабраны прэзідэнт пасля гэтага займае пасаду на поўны шасцігадовы тэрмін.
Другі сцэнар — крах рэжыму, пры якім ключавыя асобы рэжыму сыходзяць у адстаўку або ўцякаюць. Найбольш імаверным кандыдатам ад апазіцыі лічыцца Эдмунда Гансалес Уруція, які ўдзельнічаў у выбарах 2024 года. Гансалес, навуковец і шматгадовы дыпламат, цяпер знаходзіцца ў выгнанні ў Іспаніі. Яго падтрымлівае нядаўняя лаўрэатка Нобелеўскай прэміі міру, дэмакратычная актывістка Марыя Карына Мачада. Выступаючы ў Осла пасля атрымання прэміі, Мачада заявіла, што яе рух рыхтуецца да «ўпарадкаванага і мірнага пераходу», як толькі Мадура сыдзе. У снежні яна адзначыла, што Гансалес запрасіў яе стаць віцэ-прэзідэнтам і што «пераважная большасць» паліцыі і ўзброеных сіл будзе выконваць загады новай адміністрацыі, як толькі пачнецца палітычны транзіт.
Трэці сцэнар — вайсковы захоп улады. Цяперашні міністр абароны Уладзімір Падрына Лопес, які выступіў пасля ўдараў ЗША, заявіў, што Венесуэла будзе супраціўляцца прысутнасці замежных войск у краіне. «Гэтае ўварванне — найвялікшая знявага, якую калі-небудзь цярпела краіна», — дадаў ён.
Цяпер чытаюць
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»32
РІА Навіны апублікавала калонку, што Расію чакае яшчэ адна «СВА» — з Літвой. А пасля выдаліла з пазнакай «Не адпавядае дзяржаўнай палітыцы»
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары
але забзьдзелі
дзеля нас літвінаў-беларусаў прыярытэт нумар адзін - існаванне Беларусі, яе незалежнасць і суверэнітэт. І любыя падыходы павінны сыходзіць менавіта з гэтага . Вы з гэтым падыходам- кодам згодны ? 1991 на шляху , галоўнае «не прапусціць вакно магчымасцей» гэтым разам. Трамп ведае Р. Рэйгана справу добра !