У абвінаваўчым заключэнні супраць захопленага амерыканскім спецназам былога кіраўніка Венесуэлы фігуруюць чатыры пункты, датычныя змовы з мэтай наркатэрарызму, а таксама захоўвання аўтаматычнай зброі і выбуховых прылад. Нікалас Мадура ўсе абвінавачанні адхіляе.
Як паведамляе Бі-бі-сі, Мадура ўдзельнічаў у пасяджэнні без кайданкаў на руках, але з кайданкамі на нагах і ў турэмнай форме. Ягоная жонка таксама была ў турэмным адзенні. Выступаў былы кіраўнік Венесуэлы на іспанскай мове, карыстаючыся паслугамі перакладчыка.
Абаронцам Нікаласа Мадуры стаў адвакат Барры Полак, які раней прадстаўляў у судзе інтарэсы Джуліяна Асанжа. Суддзёй быў прызначаны 92‑гадовы Элвін Хелерштэйн, які раней вёў справу па тэрактах 11 верасня.
Пасля абвяшчэння абвінавачанняў суд абавязаў Мадура і яго жонку з’явіцца ў суд 17 сакавіка 2026 года. Да гэтага часу яны будуць утрымлівацца ў турме.
Цяпер чытаюць
Пяць прычын — у тым ліку адна фантастычная, — па якіх беларусам адключылі святло ў гарадах18
Пяць прычын — у тым ліку адна фантастычная, — па якіх беларусам адключылі святло ў гарадах
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары