Актыўны цыклон «Улі» смела можна параўноўваць са знакамітым цыклонам «Хаўер», які бушаваў над Беларуссю 15 сакавіка 2013 года, піша тэлеграм-канал «Метэавайб».
Паводле даных артыкула «Кліматычныя асаблівасці мінулых зім у Беларусі. Цыклон «Хаўер» Марыны Аляксандраўны Мацвеенкі, максімальны прырост снежнага покрыва за 14—16 сакавіка 2013 года склаў 20—32 см, лідар — МС Палеская (1). А за перыяд 8—10 студзеня 2026 года ён аказаўся большым — 20—34 см, лідар — станцыя «Беразіно». Пры гэтым павелічэнне снежнага покрыва на 10 см і больш закранула значную тэрыторыю.
Максімальная колькасць ападкаў за суткі 13 год таму, у сакавіку, склала 37 мм — Мазыр і Лельчыцы (4—5), а за 10 студзеня 2026 года— таксама 37 мм у Магілёве (6—7). Аднак з улікам дня 9 студзеня і ночы на 11 студзеня сумарная колькасць ападкаў у Магілёве і Жлобіне склала 43 і 41 мм адпаведна (больш за месячную норму).
Інтэнсіўнасць ападкаў за 12 гадзін у Хаўера была вышэйшай. У Горках выпала 26 мм, а ў Магілёве 10 студзеня — 25 мм.
Акрамя таго, Хаўер запомніўся больш моцным ветрам: Валожын, Ваўкавыск — да 24 м/с. Максімальныя парывы ветру пры праходжанні Улі склалі 19 м/с — Ашмяны.
Безумоўна, гурбы пасля праходжання Хаўера былі вышэйшыя.
Максімальная вышыня снежнага покрыва 16 сакавіка 2013 года дасягала 50—61 см, лідар — Мсціслаўль.
Але не варта забываць пра больш значнае снеганакапленне да праходжання цыклона: у Мінску вышыня снежнага покрыва ўжо складала 46 см.
Такім чынам, цыклон «Улі» абышоў Хаўер па колькасці прынесеных ападкаў і павелічэнні вышыні снежнага покрыва, але па інтэнсіўнасці ападкаў і хуткасці ветру Хаўер застаецца на першым месцы.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта14
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары