Летась кліматычная зіма так і не пачалася

«Сярэдняя тэмпература паветра склала плюс 8,5 градуса, што вышэй кліматычнай нормы на 1,3 градуса. Пачынаючы з 2013 года, сярэднегадовая тэмпература паветра на тэрыторыі краіны расце больш высокімі тэмпамі, і шэсць самых цёплых гадоў, уключаючы 2025 год, прыпадаюць на гэты перыяд.

Самым цёплым за ўсю гісторыю назіранняў застаецца 2024 год з сярэдняй тэмпературай паветра 9,5 градуса.

Відавочна павялічылася паўтаральнасць станоўчых анамалій тэмператур. На працягу 2025 года ў 8 з 12 месяцаў тэмпература паветра перавышала кліматычную норму. Студзень лічыцца самым халодным месяцам года, але сярэднемесячная тэмпература студзеня мінулага года пабіла ўсе рэкорды, была блізкая да сакавіцкай і склала плюс 1,2 градуса, што вышэй за кліматычную норму на 5,3 градуса. Такі студзень за ўсю гісторыю метэаназіранняў назіраецца ўпершыню», — расказала яна.

Зіма на тэрыторыі Беларусі ў 2024‑2025 годзе пачалася ў рэкордна познія тэрміны.

«Кароткія марозныя перыяды ў снежні і студзені чаргаваліся з больш працяглымі адлігамі. Толькі на пачатку лютага ўсталяваліся зімовыя ўмовы надвор’я, якія працягваліся менш за месяц.

У сувязі з такімі сінаптычнымі ўмовамі ў зімовы перыяд 2024—2025 гадоў на большай частцы тэрыторыі краіны, за выключэннем крайніх паўночна-ўсходніх раёнаў, кліматычная зіма не наступіла. Гэта другі раз за ўсю гісторыю метэаназіранняў пасля 2019—2020 гадоў», — растлумачыла Вольга Бакланава.

«Улічваючы павышаны тэмпературны рэжым зімовага перыяду і ранняе наступленне вясны з рэзкім ростам тэмпературнага фону, што спрыяла і ранняму аднаўленню вясновай вегетацыі, у пачатку сакавіка адбыўся ўстойлівы пераход сярэднесутачнай тэмпературы паветра праз 5 градусаў у бок паніжэння ў сярэдзіне першай дэкады на паўднёвай палове краіны, што было на месяц раней за звычайныя тэрміны, а на астатняй частцы тэрыторыі пераход адбыўся 13—14 красавіка ў тэрміны, блізкія да звычайных.

У той жа час на ўсёй тэрыторыі краіны адбыўся пераход сярэднесутачнай тэмпературы паветра праз 10 градусаў у бок павышэння — гэта пачатак актыўнай вегетацыі, што на 1—2 тыдні раней за звычайнае.

Першы вясновы месяц аказаўся выключна цёплым і разам з сакавіком 2007 года заняў першае месца ад самага цёплага да самага халоднага з 1945 года. Сярэдняя па Беларусі тэмпература паветра склала плюс 5,2 градуса, што вышэй за кліматычную норму на 4,4 градуса.

У асобныя дні паветра прагравалася да 15 градусаў і вышэй, а максімальнай тэмпературы — плюс 20,4 градуса — дасягнула днём 10 сакавіка на станцыі Драгічын», — расказала яна.

У той жа час надвор’е адрознівалася сваёй нестабільнасцю і кантраснымі тэмпературамі.

«У красавіку тэмпература паветра склала плюс 9,3 градуса, што было вышэй кліматычнай нормы на 1,5 градуса. Такі і больш цёплы красавік у Беларусі здараецца раз у дзесяць гадоў, аднак у гэтым месяцы назіралася кантраснае спалучэнне ўмоў надвор’я. Фіксаваліся перыяды як анамальна цёплага, так і анамальна халоднага надвор’я. На метэастанцыях Верхнядзвінск і Езярышча быў пабіты рэкорд па абсалютным максімуме тэмператур для гэтых пунктаў назіранняў, на станцыях Клічаў і Мсціслаў — рэкорд па абсалютным мінімуме красавіцкай тэмпературы.

Май аказаўся даволі халодным. Сярэдняя па Беларусі тэмпература паветра склала плюс 10,9 градуса, што было ніжэй кліматычнай нормы на 2,5 градуса. На метэастанцыях Клічаў і Бабруйск быў пабіты рэкорд па абсалютным мінімуме майскай тэмпературы паветра для гэтых пунктаў назіранняў», — праінфармавала начальніца аддзела.

Тэмпература летняга сезона была трохі ніжэйшая за норму: адхіленне склала 0,2 градуса, падкрэсліла яна. «Такіх і больш нізкіх летніх тэмператур не адзначалася з 2017 года. За сезон было зафіксавана ад 27 да 43 дажджлівых дзён пры норме 24—32 дня. У пачатку восені стаяла вельмі цёплае надвор’е. Сярэдняя па Беларусі тэмпература паветра за верасень склала плюс 15 градусаў, што вышэй за кліматычную норму на 2,3 градуса», — падсумавала Вольга Бакланава.

• 0
• 0
• 0
• 0
• 0
• 0
• 0
• 0