Трамп абклаў мытамі еўрапейскія краіны, пакуль яны не саступяць яму Грэнландыю
Прэзідэнт ЗША Дональд Трамп увёў мыты на імпарт тавараў з васьмі еўрапейскіх краін — Даніі, Нарвегіі, Швецыі, Францыі, Германіі, Вялікабрытаніі, Нідэрландаў і Фінляндыі — за іх пазіцыю адносна Грэнландыі.
Мытныя стаўкі складуць 10% з 1 лютага і павысяцца да 25% з 1 чэрвеня. Яны, як абвешчана, будуць дзейнічаць, пакуль не будзе заключаная поўная здзелка па «куплі» Грэнландыі.
Трамп зноў патлумачыў, што ЗША трэба валодаць Грэнландыяй у мэтах нацыянальнай бяспекі і каб прадухіліць яе захоп Расіяй або Кітаем. Ён таксама заявіў, што гатовы да перамоў з Даніяй і іншымі краінамі, супраць якіх увялі мыты.
У адказ прэм’ер-міністарка Даніі Метэ Фрэдэрыксэн заклікала ЗША спыніць пагрозы, а лідары еўрапейскіх дзяржаў падкрэслілі, што толькі Капенгаген і жыхары Грэнландыі могуць вырашаць лёс вострава.
Данія ўвяла свае падраздзяленні ў Грэнландыю для навучальных мэтаў і павялічвае колькасць самалётаў, караблёў і вайскоўцаў на востраве і ў акваторыі. Да іх збіраюцца далучацца вайсковыя сілы Нарвегіі, Германіі, Францыі і Вялікабрытаніі.
Трамп заявіў, што можа ўвесці мыты супраць краін, якія супраць ягонага захопу Грэнландыі
Данія абвясціла «каралеўскі загад аб выкарыстанні войскаў» у Грэнландыі дзейным
Дарадца Трампа: Тэрыторыю Грэнландыі можа кантраляваць толькі той, хто здольны яе абараніць, а Данія занадта слабая для гэтага
Кандыдат Трампа на пасаду пасла ў Ісландыі назваў яе 52‑м штатам ЗША
«У нас фундаментальнае разыходжанне». Стала вядома, пра што датчане і грэнландцы гаварылі з амерыканцамі ў Белым доме
Дэпутатка, якая рыхтуе прыгажунь для Лукашэнкі, выйшла замуж23
Каментары