Група з 15 вайскоўцаў Бундэсвера нечакана пакінула Грэнландыю. BILD зафіксаваў пасадку нямецкіх афіцэраў і салдат на рэйс авіякампаніі Icelandair. Місія завяршылася раней за запланаваны тэрмін, пры гэтым публічных заяваў і афіцыйных тлумачэнняў з боку Берліна не было.
Паводле BILD, загад аб вяртанні паступіў з Германіі сёння рана раніцай. Усе раней запланаваныя сустрэчы і мерапрыемствы былі тэрмінова адмененыя. Напярэдадні кіраўнік групы Штэфан Паўлі казаў, што вайскоўцы чакаюць рашэння Берліна наконт магчымых далейшых крокаў.
Прычыны раптоўнага ад’езду пакуль не названы. Паводле адной з версій, рашэнне можа быць звязана з абвастрэннем канфлікту вакол Грэнландыі і новымі гандлёвымі пагрозамі з боку прэзідэнта ЗША Дональда Трампа, аднак афіцыйнага пацвярджэння гэтаму няма.
Вайскоўцы з Германіі прыбылі на востраў толькі некалькі дзён таму ў межах місіі краін НАТА па запрашэнні Даніі.
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы16
Каментары