Кляймо «Слава Расіі» на жываце ўкраінскага палоннага выпаліў адзін з хірургаў у данецкай бальніцы
Кляймо «Слава Расіі» на жываце ўкраінскага ваеннапалоннага Андрэя Пераверзева зрабілі падчас аперацыі ў найбуйнейшай бальніцы Данбаса — «Данецкім клінічным тэрытарыяльным медыцынскім аб’яднанні» (ДАКТМА). Гэта ўдалося высветліць праекту Радыё Свабода «Схемы».
Ваеннапалонны Пераверзеў, які быў вызвалены ў маі 2025 года ў выніку абмену, расказаў, што перад трапленнем у расійскі палон падарваўся на гранаце, якая апынулася непасрэдна пад ім.
Пасля серыі пабояў і допытаў расійскія вайскоўцы даставілі байца УСУ з цяжкімі траўмамі ў бальніцу. «Схемы» ўстанавілі, што Пераверзеў апынуўся ў ДАКТМА — аб гэтым сведчыць планіроўка медустановы і від з акна, якія запомніў вайсковец. Акрамя гэтага, Пераверзеў успомніў, што медсястра, якая прыйшла да яго пасля першай перавязкі, сказала: «Не хвалюйся. Прыедзеш дадому — альбо вывядзеш, альбо наколкай заб’еш».
«Схемы» выказалі здагадку, што надпіс на целе зрабіў аперуючы хірург. Пра гэта, у прыватнасці, кажа тое, што клеймо дастаткова роўнае і зроблена медыцынскім інструментам з правага боку, з якога звычайна працуе доктар.
У другой бальніцы Данецка, куды перавезлі Пераверзева, медсёстры паміж сабой казалі, што кляймо на жываце палоннага зрабіў расійскі доктар, успомніў баец УСУ.
Пра тое, што надпіс зрабіў не данецкі доктар, у размове са «Схемамі» сказала медсястра з Данецка Таццяна Трэгулава — тая, якая першай паведаміла Пераверзеву пра кляймо.
Праект высветліў, што ў ДАКТМА рэгулярна прыязджаюць расійскія дактары з групы «Сябры медыцыны Данбаса». Сярод іх — маскоўскі хірург і дэпутат Дзяржаўнай Думы ад «Адзінай Расіі» Бадма Башанкаеў.
«Схемы» высветлілі, што ў дзень аперацыі Пераверзеву — 24 лютага 2024 года — у данецкай бальніцы былі два краснадарскія дактары, якія ўваходзяць у групу «Сябры медыцыны Данбасса»: абдамінальны хірург Юрый Кузняцоў і хірург-практолаг Андрэй Крачко. Пра гэта сведчаць пасты ў іх сацсетках і метаданыя фотаздымкаў, якія яны публікавалі.
Пры гэтым Кузняцоў у размове з журналістамі спачатку адмаўляў, што быў разам з Крачко ў ДАКТМА ў той дзень, а потым заявіў, што яны з калегам толькі даставілі гуманітарную дапамогу і кансультавалі дактароў.
Хто менавіта — Кузнецоў ці Крачко — выпаліў кляймо на целе Пераверзева, журналістам вызначыць не ўдалося.
Цяпер чытаюць
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам5
Каментары
Вось каб ён нос на жывот прышыў - то тады да. А гэта так, метачка "тут быў вася"