На Алімпіядзе-2026 у Італіі выступяць 13 расійскіх спартсменаў
Запрашэнні выступіць у нейтральным статусе на Алімпійскіх гульнях у Італіі атрымалі 13 расійскіх спартсменаў. Іх імёны апублікаваў Міжнародны алімпійскі камітэт (МАК).
Гэта горныя лыжнікі Юлія Пляшкова і Сямён Яфімаў, саначнікі Павел Рапілаў і Дар’я Алесік, фігурысты Пётр Гуменнік і Адэлія Петрасян, лыжнікі Савелій Карасцялёў і Дар’я Няпраева, канькабежцы Ксенія Каржова і Анастасія Сямёнава. Да ўдзелу ў спаборніцтвах па скі-альпінізме запрошаны Мікіта Філіпаў, па шорт-трэку — Іван Пасашкоў і Алена Крылова.
Расійскія спартсмены будуць выступаць на Алімпіядзе ў нейтральным статусе, які ім яшчэ трэба пацвердзіць, і толькі ў індывідуальных дысцыплінах.
На спаборніцтвах Летняй Алімпіяды ў Парыжы ў 2024 годзе ўдзел прымалі 15 расійскіх спартсменаў. Такім чынам, на будучай Зімовай Алімпіядзе выступіць мінімальная колькасць расійскіх спартоўцаў за ўсю найноўшую гісторыю, менш было апошні раз у 1908 годзе.
На Зімовай Алімпіядзе 2022 года ў Пекіне было 212 расіян, якія заваявалі 32 медалі (5 залатых, 12 срэбраных і 15 бронзавых)
Расійскі спорт быў спачатку пад банам за допінгавыя скандалы, а цяпер знаходзіцца пад банам пасля пачатку поўнамаштабнай вайны ва Украіне. Міжнародныя федэрацыі біятлону і хакею забаранілі расійскім, а таксама і беларускім спартоўцам удзельнічаць у спаборніцтвах.
Беларусаў таксама будзе мінімальна на Зімовых алімпійскіх гульнях, усяго сем.
У Пекіне-2022 было 29 спартоўцаў. Там беларусы здабылі два срэбраныя медалі.
Алімпійскія гульні будуць праходзіць з 6 да 22 лютага ў Мілане і Карціна-д’Ампеца.
Цяпер чытаюць
Музыка Цім Суладзэ: Розніца 30 гадоў — тое, што адпавядае маім уяўленням пра адносіны19
Каментары