Суд Маскоўскага раёна Мінска разгледзеў справу, якая скончылася для былога спартсмена нацыянальнай зборнай па цяжкай атлетыцы адчувальнымі фінансавымі стратамі.
Гаворка ідзе пра былога члена зборнай і спартсмена-інструктара Рэспубліканскага цэнтра алімпійскай падрыхтоўкі «Стайкі» Ягора Грынько. Пасля чатырохгадовай дыскваліфікацыі за допінг яго звольнілі, а пракуратура звярнулася ў суд з патрабаваннем вярнуць грошы, выдаткаваныя дзяржавай на яго падрыхтоўку.
Падставай для пазова стаў пункт працоўнай дамовы, які прадугледжвае вяртанне бюджэтных сродкаў у выпадку антыдопінгавых парушэнняў. Паводле разлікаў, прадстаўленых у судзе, на падрыхтоўку спартсмена было патрачана больш за 120 тысяч рублёў.
Частку гэтай сумы — каля 50 тысяч рублёў — цяжкаатлет вярнуў добраахвотна яшчэ на стадыі дасудовай праверкі. Астатнія 70 тысяч былі выплачаны ўжо пасля звароту пракуратуры ў суд, але да вынясення рашэння. У выніку суд зафіксаваў, што асноўнае патрабаванне фактычна выканана.
Дадаткова спартсмену давялося аплаціць дзяржаўную пошліну 3,5 тысячы рублёў.
Цяпер чытаюць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам34
Каментары