У Белчыгунцы патлумачылі прычыны замены дызель-цягнікоў на цягнікі лакаматыўнай цягі Мінск — Віцебск — Мінск
Начальнік лакаматыўнага дэпо Мінск Мінскага аддзялення Беларускай чыгункі Раман Лабажэвіч назваў журналістам прычыны замены дызель-цягнікоў ДП6 у паведамленні Мінск — Віцебск — Мінск на саставы, сфарміраваныя з вагонаў лакаматыўнай цягі.
Падчас цыклону «Улі» Белчыгунка працягнула ажыццяўляць сваю функцыю па перавозцы пасажыраў, а работнікі лакаматыўнага дэпо ажыццяўлялі планава-папераджальны рамонт, расказаў Раман Лабажэвіч.
«У сувязі з высокай інтэнсіўнасцю выкарыстання ў складаных метэаўмовах дызель-цягнікоў серыі ДП6 узнікла неабходнасць правядзення тэхнічных работ, каб у далейшым эксплуатаваць гэтыя дызель-цягнікі для бяспечнай і камфортнай перавозкі пасажыраў. Гэта выклікала неабходнасць часовай замены дызель-цягнікоў серыі ДП6 на ўчастку абарачэння Мінск — Віцебск — Мінск на саставы, сфарміраваныя з вагонаў лакаматыўнай цягі, — растлумачыў Раман Лабажэвіч. — Пасля выканання работ дызель-цягнікі будуць вернуты на маршрут руху, і гэта будзе зроблена ў найбліжэйшы час.
Ужо 16 лютага дызель-цягнікі серыі ДП6 будуць курсіраваць па маршруце Мінск — Віцебск — Мінск з цягнікамі №704 Мінск — Віцебск, №712/711 Мінск — Віцебск — Мінск і №713/714 Віцебск — Мінск — Віцебск. А з 17 лютага — з цягнікамі №704/703, №712/711 і №714/713 Мінск — Віцебск — Мінск».
Начальнік лакаматыўнага дэпо Мінск растлумачыў, што перавозачны працэс трох названых пар цягнікоў фізічна забяспечваецца двума саставамі.
Паводле яго слоў, праведзеная замена выклікала нязначныя адхіленні ад графіка руху цягнікоў — да 10 хвілін.
Білеты, аформленыя да 10 лютага на названыя цягнікі, сфарміраваныя з вагонаў лакаматыўнай цягі, будуць сапраўднымі для праезду ў цягніках, якія абслугоўваюцца маторвагонным рухомым саставам серыі ДП6.
Цяпер чытаюць
Дзе працуюць і як выглядаюць жонкі топ-чыноўнікаў?11
Дзе працуюць і як выглядаюць жонкі топ-чыноўнікаў?
«Калі б я быў следчым КДБ, я б падкрэсліў тое самае». Фядута — пра схаваныя сэнсы «Каласоў пад сярпом тваім», увагу сілавікоў да свайго рукапісу і загадку з трэцяй часткай рамана Караткевіча99
Каментары