Таварныя знакі сэрвісу kvitki.by перайшлі «Беларускім латарэям»
Восенню 2025 года беларускі сэрвіс па продажы білетаў kvitki.by пайшоў у ліквідацыю. Паведамлялася, што рашэнне пра гэта прыняў яго адзіны ўладальнік. Як высветліў Office Life, у сярэдзіне студзеня 2026 года таварныя знакі сэрвісу перайшлі дзяржаўнаму прадпрыемству «Беларускія латарэі».
Інфармацыя пра гэта з'явілася ў базе даных таварных знакаў Нацыянальнага цэнтра інтэлектуальнай уласнасці, а таксама ў Афіцыйным бюлетэні цэнтра.
Cэрвіс па продажы квіткоў kvitki.by працаваў у Беларусі з канца нулявых. Яго развівала кампанія «Квіткі Бел». З сярэдзіны 2010‑х яна належала аднаму з найбуйнейшых аператараў па продажы квіткоў у краінах Балтыі — «Балтык Тыкет Холдынгс». З 2024‑га беларускай кампаніяй валодала эстонскае Таварыства «БТХ Інвест». Яно ж у верасні 2025 года прыняло рашэнне аб ліквідацыі кампаніі.
У канцы жніўня мінулага года сэрвіс па продажы квіткоў kvitki.by не працаваў амаль суткі і выдаліў некалькі сваіх старонак у сацыяльных сетках.
Што датычыцца таварных знакаў «Квіткі Бел», то ў НЦІУ ў кампаніі было зарэгістравана тры таварныя знакі: стары лагатып з найменнем сэрвісу па продажы білетаў і новы, на беларускай мове, а таксама лагатып сэрвісу па замове білетаў kassir.by. па дадзеных афіцыйнага бюлетэня Нацыянальнага цэнтра інтэлектуальнай уласнасці Беларусі, 14 студзеня 2026 года паміж кампаніяй «квіткі Бел» і РУП «Беларускія латарэі» быў заключаны дагавор на саступку гэтых таварных знакаў.
Усе таварныя знакі першапачаткова былі зарэгістраваныя кампаніяй «Квіткі Бел» у трох класах паслуг. Цяпер «Беларускія латарэі» змогуць выкарыстоўваць іх, напрыклад, для дастаўкі білетаў, рэкламы, браніравання білетаў на відовішчныя, адукацыйныя і культурныя мерапрыемствы і г. д.
Цяпер чытаюць
Беларускія рэпетытары ў паніцы: праз праблемы «Яндэкса» яны могуць згубіць матэрыялы, якія напрацоўвалі гадамі10
Каментары
Национализация по белорусски