У Мінску ўжо трэці раз за апошнія дні ўзніклі праблемы з рухам тралейбусаў. Паводле інфармацыі прадпрыемства «Мінсктранс», уначы ў розных раёнах горада транспарт спыняўся з-за пашкоджання кантактнай сеткі, такія ж праблемы фіксуюцца і на працягу дня.
Пачынаючы ад раніцы 14 лютага тэлеграм-канал «Мінсктранса» дзесяць разоў паведамляў пра пашкоджанне кантактнай сеткі.
У пятніцу, 13 лютага, такіх выпадкаў было 27, а ў чацвер — 26.
Пашкоджанне кантактнай сеткі часта суправаджаецца яркай успышкай. Жыхары Мінска масава здымаюць такія моманты на відэа і выкладваюць іх у сацыяльныя сеткі.
Непаладкі пачаліся яшчэ ўвечары 13 лютага. Раніцай у суботу тралейбусы не хадзілі на вуліцах Алібегава, Брыля, Брылеўскай, Голубева, Нямізе, Мяснікова, Крупскай, Вірскай, Русіянава, Нікіфарава, Арлоўскай, Скрыпнікава, Адзінцова, а таксама на праспектах Пушкіна і Дзяржынскага і Старавіленскім тракце. У выніку дзясяткі маршрутаў былі вымушаныя змяніць шлях руху і курсіраваць у аб’езд.
Што стала прычынай сённяшніх пашкоджанняў кантактнай сеткі, афіцыйна не паведамляецца. Раней, аднак, перабоі ў працы электратранспарту тлумачылі складанымі ўмовамі надвор’я.
У «Мінтрансе» адзначалі, што спыненні тралейбусаў звязаныя з павышэннем тэмпературы паветра, ападкамі і асяданнем салянага туману на кантактнай сетцы. Пад уздзеяннем гэтых фактараў адбываецца прабой ізаляцыі ў кантактнай сетцы. У выніку спрацоўвае абарона, і напружанне ў сетцы аўтаматычна адключаецца.
Здзелка Трампа з Пуціным: чым за яе могуць заплаціць Украіна і Беларусь19
Здзелка Трампа з Пуціным: чым за яе могуць заплаціць Украіна і Беларусь
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі77
Расійскі рэпер Ягор Крыд зняўся ў майцы з выявай героя фільма «Ідзі і глядзі», якому дамалявалі пірсінг і татуіроўкі. Цішотку выпусцілі крама беларускі7
«Запрасіў мяне на спатканне і прыехаў на яго з пакетам памідораў замест кветак». Што ўспамінаюць пра Яна Памедора Рэуцкага, адміна шматтысячнай суполкі беларусаў Польшчы77
Каментары