Францыя вызваліла з-пад арышту расійскі нафтавы танкер пасля выплаты вялікага штрафу
Францыя вызваліла з-пад арышту нафтавы танкер Grinch, які ўваходзіць у «ценявы флот» Расіі, пасля выплаты штрафу ў некалькі мільёнаў еўра і трох тыдняў стаянкі ў порце Фос-сюр-Мер. Пра гэта паведаміў міністр замежных спраў Францыі Жан-Наэль Баро.
«Нафтавы танкер Grinch пакіне французскія воды пасля выплаты некалькіх мільёнаў еўра і трох тыдняў дарагога прастою ў Фос-сюр-Мер. Абыход еўрапейскіх санкцый мае сваю цану. Расія больш не зможа беспакарана фінансаваць вайну з дапамогай «ценявога флоту» каля нашых берагоў», — адзначыў французскі міністр.
Танкер Grinch адправіўся з расійскага порта Мурманск у пачатку студзеня і хадзіў пад сцягам Каморскіх астравоў, але кампанія-уладальнік не змагла пацвердзіць юрыдычную прыналежнасць судна, за што атрымала штраф.
Міністр Жан-Наэль Баро таксама адзначыў, што 20‑ы пакет санкцый ЕС павінен надзейна заблакаваць «ценявы флот» Расіі.
Цяпер чытаюць
28‑гадовую ўкраінку з Марыупаля асудзілі ў Мінску за палітыку. Чаму яна прыехала з Польшчы ў Беларусь, няясна4
28‑гадовую ўкраінку з Марыупаля асудзілі ў Мінску за палітыку. Чаму яна прыехала з Польшчы ў Беларусь, няясна
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну44
Каментары