Сёння на Алімпіядзе паспрабуюць паўторна выступіць фрыстайлісткі, а таксама ў горных лыжах паспаборнічае Марыя Шканава
Учора кваліфікацыя ў лыжнай акрабатыцы ў фрыстайле была адмененая з-за моцнага снегападу. Таму кваліфікацыйныя скачкі і фінал адбудзецца ў адзін дзень, калі дазволіць надвор'е.
Першая кваліфікацыя пройдзе а 12‑й па мінскім часе, другая а 12:45.
Трое беларусак сярод іншых 25 дзяўчат выступяць у першай кваліфікацыі. Ганна Гуськова будзе скакаць шостай, Ганна Дзяруга — 11-й, а Анастасія Андрыянава — 23-й.
Задача адабрацца ў топ-6, каб трапіць у фінал.
З другой кваліфікацыі таксама адбяруцца шэсць найлепшых.
У выніку ў фінале (15:00) выступяць 12 фрыстайлістак, якія разыграюць медалі.
Беларускія фрыстайлісты бралі медалі на кожнай Зімовай Алімпіядзе, пачынаючы з 1998 года, у тым ліку ў 2010, 2014 і 2018 гадах залатыя ўзнагароды. Ганна Гуськова заваявала золата на Алімпіядзе-2018 і срэбра на Алімпіядзе-2022.
А 12‑й стартуюць спаборніцтвы ў жаночым слаламе.
На трасу выйдуць 95 дзяўчат, у тым ліку Марыя Шканава, у якой 44‑ы нумар. Для трапляння ў другую спробу неабходна паказаць вынік у топ-30. Для беларускай гарналыжніцы гэтая Алімпіяда стане пятай у кар'еры.
Фігурыстка Вікторыя Сафонава завяршыла ўчора свой удзел, яна заняла 26‑е месца ў кароткай праграме, не здолеўшы прабіцца ў 24 фігурыстак, што пазмагаюцца за медалі ў свабоднай праграме.
Пасля 11 дзён Алімпіяды ўпэўнена лідзіруе Нарвегія, Італія — другая, ЗША на трэцім месцы.
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца4
Сям’ю з дзіцём не пусцілі есці ўнутры кавярні піцу навынас. «Гараж» апраўдваецца, інтэрнэт спрачаецца
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1010
Каментары