«Дагэтуль не магу паверыць». Адну з кватэр улады Беластока выдалі былой палітзняволенай Галіне Дзербыш
Улады Беластока выдзелілі дзве кватэры з Фонду сацыяльнага жылля для былых беларускіх палітвязняў. Пра гэта хадайніцтваў Павел Латушка.
Адна з такіх кватэр была выдадзеная Галіне Дзербыш, якая была сярод палітвязняў, вызваленых і дэпартаваных у верасні 2025 года. З усёй групы з 51 чалавека ў яе быў самы вялікі тэрмін: яе абвінавацілі ў спробе захопу ўлады і прысудзілі да 20 гадоў пазбаўлення волі.
— Узрадавалася, — апісвае яна Most сваю рэакцыю на вылучэнне жылля. — Дагэтуль не магу паверыць.
Галіна Дзербыш ужо атрымала ключы ад кватэры і падпісала дамову.
У выдадзеным жыллі яна зможа пражываць пажыццёва, аплачваючы толькі камунальныя паслугі.
Заехаць яна пакуль не можа: у кватэры трэба правесці рамонт (з гэтым дапаможа фонд Dialog) і знайсці мэблю.
Жанчына распавядае, што дом знаходзіцца недалёка ад цэнтра, кватэра — на першым паверсе.
— Заходзіш — вітальня. Далей — куханька і два пакоі, — апісвае яна.
Раней Галіна Дзербыш расказвала «Нашай Ніве», што жыла ў аднапакаёвай кватэры, выдадзенай фондам Dialog. Яна пражыла ў ёй два месяцы, аплачваючы толькі камунальныя.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары