Аўто33

У мінскім канфіскаце прадаюць рэдкі для Еўропы Nissan, ды яшчэ і з правым рулём. Колькі просяць?

Гэта адзіны такі аўтамабіль у продажы на ўсю Беларусь. 

Фота тут і далей: konfiskat.by

У Мінску на пляцоўцы аўтаканфіската з'явіўся Nissan Skyline 1992 года выпуску. Гэта легендарнае японскае купэ, якое шануюць аўтааматары ва ўсім свеце, нават з улікам таго, што машына выпускалася выключна са стырном з правага боку.

Пад капотам у яго бензінавы рухавік аб'ёмам 2,5 літра і магутнасцю 280 к. с. Заяўлены прабег — 192 тысячы кіламетраў.

Па фота падкапотнай прасторы зразумела, што ў машыне праводзілася экспертыза. Яе сляды бачныя як на самім VIN-нумары, так і на панэлі, на якой ён знаходзіцца.

Увогуле машына не ў самым лепшым стане. На капоце аблазіць лакафарбавае пакрыццё, паваротнік з левага боку трымаецца на скотчы. З-пад задняй шыбы вылазіць клей. Ды і іншых дробных дэфектаў хапае.

Руль, які стаіць у незвычным для нас месцы, таксама не першай свежасці, у панэлі не хапае некаторых элементаў.

Просяць за рэдкага праварульнага японца 27 648 рублёў, што складае каля $9 713. Гэта стартавы кошт аўтамабіля. Аўкцыён па продажы адбудзецца 25 лютага.

Для даведкі: у Беларусі аўто з рулём «на месцы бардачка» дазвалялі ставіць на ўлік толькі да 10 жніўня 2002 года. Пасля гэтай даты імпарт такіх машын не забаранілі, але для пастаноўкі на ўлік трэба спачатку пераставіць руль на левы бок, прайсці экспертызу ў БНТУ і толькі пасля гэтага ісці ў ДАІ.

Каментары3

  • unicorn
    23.02.2026
    А ў гаях тых бярозы ды дубы
  • Troy Gothsby
    23.02.2026
    ламачча , 999 далярау́ яму кошт
  • Дубовы гай
    23.02.2026
    [Рэд. — Дзякуй за заўвагу]

    [Зрэдагавана]

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны15

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

У Беларусі за апошнія гады ліквідавалі 40 праваслаўных прыходаў5

Украінскія дроны не могуць дагнаць рэактыўныя «Шахеды». У SpaceX кажуць пра тэхнічны збой3

«А як ты выкупіў адразу акцэнт?» Рэпер Баста па голасе пазнаў музыканта з Чавусаў і расказаў пра сваё дзяцінства ў закрытым гарадку пад Дзятлавам8

Амаль 400‑метровы пуцеправод паміж Каменнай Горкай і Лебядзіным абяцаюць адкрыць да канца года2

На Канары за суткі прыбылі амаль паўтары тысячы мігрантаў5

Карупцыйны скандал у Венгрыі: міністр Орбана закапаў у лесе 17 мільёнаў еўра7

«Лукашэнка ведае, што задумвае Пуцін, і вельмі гэтага баіцца». Чалы пра пагрозу новай вайны43

Алесь Бяляцкі сустрэнецца з чытачамі ў Варшаве, Кракаве і Уроцлаве1

Адна з самых масавых газет Расіі напісала пра «зняцце табу на ліквідацыю» Зяленскага4

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны15

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць