21 лютага каля 20‑й гадзіны вечара ў Лунінецкім раёне адбылося дарожна-транспартнае здарэнне, у выніку якога загінуў пешаход.
43‑гадовы жыхар Баранавіч кіраваў аўтамабілем Volkswagen і рухаўся па аўтадарозе Р-13 «Клецк — Сіняўка — Ганцавічы — Лунінец» у кірунку ад аграгарадка Бастынь да Ганцавіч.
Паводле папярэдняй інфармацыі, на 95‑м кіламетры дарогі ён наехаў на 41‑гадовага жыхара Бастыні, які ішоў па праезнай частцы ў тым жа кірунку.
Паведамляецца, што пешаход не меў на сабе святлоадбівальных элементаў. У выніку наезду мужчына загінуў.
Каментары