П'яны бяспраўнік скраў фуру і ганяў на ёй па трасе. Затрымлівалі яго са зброяй
«Супрацоўнікі ДАІ Мінскай вобласці са стрэламі затрымлівалі п'янага бяспраўніка, які выкраў фуру і спрабаваў уцячы па трасе М-4 «Мінск — Магілёў».
Інцыдэнт пачаўся з паведамлення ў міліцыю пра падазроны грузавік Iveco.
На сігналы ДАІ аб спыненні кіроўца фуры не рэагаваў, пачаў павялічваць хуткасць і небяспечна манеўраваць, ствараючы пагрозу на дарозе.
Спыніць шматтонную машыну ўдалося толькі пасля таго, як інспектары выкарысталі табельную зброю і сістэму прымусовага спынення транспарту.
За рулём аказаўся 44‑гадовы жыхар Светлагорскага раёна, які быў у стане моцнага алкагольнага ап'янення. Экспертыза зафіксавала ў яго арганізме 2,4 праміле алкаголю.
Як высветлілася, мужчына ўжо быў пазбаўлены пасведчання кіроўцы за падобнае парушэнне.
Па выніках затрымання на парушальніка склалі шэсць адміністрацыйных пратаколаў, а яго змясцілі ў ізалятар часовага ўтрымання. Следчыя таксама завялі на яго крымінальную справу за крадзеж.
Цяпер чытаюць
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА29
Як асабістая доктарка Лукашэнкі вучыць беларусаў цаніць радзіму, а сама скупляе люкс і адпачывае на Блакітным Беразе ШМАТ ФОТА
На Афоне адшукалі тры невядомыя раней асобнікі Астрожскай Бібліі. Для яе стварэння друкар Іван Фёдараў, выхадзец з Беларусі, выкарыстоўваў тэксты Скарыны44
Каментары