Махляры выманілі ў мінскай пенсіянеркі грошы, паабяцаўшы вярнуць праз тры месяцы з працэнтамі
Жанчына з верасня не звярталася ў міліцыю, бо чакала свае грошы
74‑гадовай мінчанцы ў верасні патэлефанаваў незнаёмец і паведаміў, што яна выпадкова стала саўдзельніцай злачынства, піша «Міліцыя Мінска».
Ён сказаў, што жанчыне пагражае крымінальная адказнасць і вобшук, у час якога будуць выяўлены ўсе яе зберажэнні.
Каб захаваць грошы, мінчанцы параілі іх задэклараваць. Жанчына пагадзілася і перадала 13 тысяч даляраў маладому чалавеку, якога куратары прадставілі як пазаштатнага кур'ера Нацбанка.
Пасля гэтага ашуканцы па тэлефоне пераканалі пенсіянерку, што яе ашчадэнні для бяспекі былі пералічаны на спецуклад і праз тры месяцы вернуцца гаспадыні з працэнтамі.
Увесь гэты час аферы падтрымлівалі з ёй сувязь, цікавіліся здароўем і пераконвалі, што ўсё ідзе па плане.
Але, калі ў прызначаны час грошы не вярнулі, мінчанка зразумела, што стала ахвярай злачынства.
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары