Стала вядома, навошта на фасад аднаго з гістарычных будынкаў у Мінску падчас рэканструкцыі паставілі металічныя калоны
У Мінску працягваецца рэканструкцыя аднаго з будынкаў Нацыянальнага мастацкага музея. На выязной нарадзе кіраўніцтва Ленінскага раёна горада паведаміла, што на аб’екце арганізаваны кантроль бяспекі, а вонкавы выгляд будынка на цяперашнім этапе не павінен выклікаць занепакоенасці ў гараджан, піша БелТА.
Металічныя калоны, якія цяпер бачныя на фасадзе, з’яўляюцца часовай сістэмай умацавання. Яны патрэбныя для таго, каб правесці поўную замену ўнутраных канструкцый і перакрыццяў. Пасля завяршэння работ будынак павінен вярнуць сваё гістарычнае аблічча.
Плануецца аднаўленне ўсіх элементаў, у тым ліку ўнутранай ляпніны і архітэктурнага дэкору. Будынак як аб’ект гісторыка-культурнай каштоўнасці павінен максімальна захавацца ў першапачатковым выглядзе. Кантроль за ходам работ робяць адміністрацыя раёна і спецыялісты праектнай арганізацыі.
Да канца 2027 года плануецца завяршыць увесь комплекс музея. У ім з’явяцца новыя галерэі, пераходы, унутраны дворык з выставачнымі заламі. Капітальны рамонт асноўнага будынка запланаваны арыенціровачна на лета 2026 года.
Цяпер на аб’екце вядуцца ўнутраныя дэмантажныя работы, узмацняюцца знешнія апорныя сцены металічнымі канструкцыямі. Пасля гэтага будуць дэмантаваныя ўнутраныя апорныя элементы і ўзмоцнены падмурак. Фасад, які лічыцца гістарычнай каштоўнасцю, пасля заканчэння асноўных этапаў ачысцяць і адновяць з вяртаннем гістарычнага выгляду.
На будоўлі працуюць каля 70 чалавек. Работы ўскладняюцца абмежаванай прасторай: частка вуліцы занятая, няма магчымасці арганізаваць склады і тэхніку, таму будаўніцтва вядзецца ў вельмі кампактных умовах.
У Мінску аб'явілі пра планы стварыць сквер на былых каталіцкіх могілках. Але там ужо даўно ідзе будаўніцтва
На МКАД пачалі рэканструкцыю аднаго з мастоў
У цэнтры Мінска з’явіцца цэлы музейны квартал
У ціхі квартал у цэнтры Мінска прыдуць перамены. Там будзе вялізны сквер, цэнтр сучаснага мастацтва і паркінг
Сёлета абяцаюць адкрыць пасля рэканструкцыі «карабель» — знакаміты корпус БНТУ
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары