Расійскае судна «Арктык Метагаз», якое перавозіла газ з Мурманска, патрапіла пад удар у Міжземным моры. Мінтранс РФ заяўляе пра атаку ўкраінскіх марскіх дронаў, запушчаных з тэрыторыі Лівіі.
Інцыдэнт адбыўся 3 сакавіка непадалёку ад тэрытарыяльных вод Мальты. Паводле версіі расійскага боку, танкер атакавалі безэкіпажныя катары. Усіх 30 членаў экіпажа ўдалося эвакуяваць, яны ў бяспецы.
Расія назвала тое, што адбылося, «актам міжнароднага тэрарызму і пірацтва», абвінаваціўшы краіны Еўрасаюза ў папушчальніцтве.
Гэта першы падобны выпадак атакі на расійскае судна ў гэтым рэгіёне, што значна пашырае геаграфію пагроз.
Ваенны эксперт Ян Мацвееў апублікаваў фота стану судна.
«Нават калі не затоне, наўрад ці яго можна адрамантаваць», — піша ён.
Цяпер чытаюць
Анжаліка Мельнікава пасля знікнення набыла дзве кватэры ў Мінску90
Каментары