«Укруці глыбей»: сетка вінных крам зрабіла рэкламу да 8 сакавіка з сэксуальным падтэкстам
Крэатыў маркетолагаў сеткі крам алкагольных напояў «Штопар» ацанілі не ўсе пакупнікі. Але ж з негатывам тыя змагаюцца проста: баняць людзей, якія не прыйшлі ў захапленне ад рэкламы акцыі.
«Штопар» — гэта сетка крам у Беларусі, дзе гандлююць алкагольнымі напоямі з розных краін свету.
Учора ў іх інстаграме з'явілася рэклама з шматсэнсоўным загалоўкам «Укруці глыбей»: абяцаюць 69 пазіцый да 8 сакавіка (лічба 8 пры гэтым перакуленая на бок як знак бясконцасці).
У тэксце допісу нічога арыгінальнага няма — звычайная інфармацыя пра акцыю.
Але ж большасць карыстальнікаў такі сэксуальны кантэкст да Міжнароднага дня жанчын не ацаніла. Людзі пішуць, што пасля такога не будуць нічога набываць тут. А нехта нават намякнуў на тое, што ў Міністэрстве антыманапольнага рэгулявання таксама могуць разглядзець такую рэкламу.
З інстаграма абурэнне пайшло і ў Threads. Адна з карыстальніц гэтай сацсеткі распавяла, што напісала каментар «Штопару», але яго аператыўна выдалілі (разам з іншымі аналагічнымі), а саму дзяўчыну забанілі.
«Сталы для куні». Беларускі вытворца мэблі зрабіў правакацыйную рэкламу
«Самы час адмыць грахі». Баранавіцкі завод парашкоў зрабіў сэксуальную калабарацыю
«Вы звычайную паліклініку выставілі пеклам». Прыватная жаночая клініка зрабіла вірусную рэкламу, але атрымала хвалю хэйту
Беларуская блогерка крыкам і лаянкай рэкламуе брэнды — затое збірае мільёны праглядаў
Каментары